ଛତ୍ରପୁର : ଆଜି ପବିତ୍ର ଇଦ୍ ପର୍ବ। ଦୀର୍ଘ ୧ ମାସ ଧରି ରୋଜା ପାଳନ କରିବା ପରେ ମୁସଲମାନ ଭାଇଭଉଣୀମାନେ ବଡ ଧୂମଧାମ ସହକାରେ ଉଦ୍-ଉଲ୍ ଫିତର ପାଳନ କରୁଛନ୍ତି। ଏଥିପାଇଁ ସବୁ ମସଜିଦ ଗୁଡିକ ଚଳଚଞ୍ଚଳ ହୋଇଉଠିଛି। ଏହି ପର୍ବ ରମଜାନ ମାସର ଉପବାସ, ପ୍ରାର୍ଥନା ଏବଂ ଆତ୍ମଶୁଦ୍ଧିର ଶେଷ ପ୍ରତୀକ ରୂପେ ପାଳନ କରାଯାଏ । ଏହି ଅବସରରେ ଆଜି ଛତ୍ରପୁର ପୁତିଗୋପାଳପୁର ମସଜିଦରେ ଧର୍ମଗରୁ ହାଫିସ୍ ମହମ୍ମଦ ଜମିରଉଦ୍ଦିନଙ୍କ ତତ୍ବାବଧାନରେ ସମୁହ ନମାଜପାଠ କରି ଇଦ୍ ପାଳନ କରାଯାଇଛି। ମୁସଲିମ ଭାଇ ମାନେ ପରସ୍ପରକୁ ଆଲିଙ୍ଗନ କରି ଇଦ୍ ମୁବାରକର ଅଭିନନ୍ଦନ ଜଣାଇଛନ୍ତି। ମୁସଲମାନ ସଂପ୍ରଦାୟର ବିଶ୍ବାସନୁଯାୟୀ ଏହି ପବିତ୍ର ରାମଜାନ ମାସରେ ଦୀର୍ଘ ଏକ ମାସ ଧରି ରୋଜା ବା ଉପବାସ ପାଳନ କରିଥାନ୍ତି । ଏହାସହ ଗରିବ ଲୋକଙ୍କୁ ବସ୍ତ୍ର ଖାଦ୍ୟ ଓ ବିଭିନ୍ନ ଆର୍ଥିକ ସହାୟତା ମଧ୍ୟ କରିଥାନ୍ତି । ଏହା ଦ୍ବାରା ପୂଣ୍ୟ ଅର୍ଜନ ହୋଇଥାଏ ବୋଲି ମଧ୍ୟ ମୁସଲମାନ ମାନଙ୍କର ବିଶ୍ୱାସ ରହିଛି। ଏହି ପର୍ବ ମୁସଲମାନ ଭାଇ ଭଉଣୀ ମାନଙ୍କର ସବୁଠାରୁ ମହତ୍ତ୍ୱପୂର୍ଣ୍ଣ ପର୍ବ ଅଟେ। ଏହି ଇଦ୍ ପର୍ବକୁ ମୁସଲିମ ସମ୍ପ୍ରଦାୟର ଭାଇଭଉଣୀମାନେ ବଡ ଧୁମ୍ ଧାମ ସହକାରେ ପାଳନ କରିଥାନ୍ତି । ନମାଜ ପାଠ ପରେ କବର ସ୍ଥାନକୁ ଯାଇ ସେମାନଙ୍କ ପିତୃପୁରୁଷ କୁ ପାଖରେ ପ୍ରାର୍ଥନା କରିଥାନ୍ତି।
Popular Categories
Previous article
Next article