କାମାକ୍ଷା ଏକ୍ସପ୍ରେସ ଲାଇନଚ୍ୟୁତ ଘଟଣା, ସ୍ବାଭାବିକ ହେଲା ରେଳ ଚଳାଚଳ

ଭୁବନେଶ୍ୱର: ସୋମବାର ସକାଳେ ଓଡିଶାର କଟକ ଜିଲାର କଟକ-ନେରଗୁଣ୍ଡି ରେଳ ସେକ୍ସନର ଉଭୟ ଟ୍ରାକରେ ଟ୍ରେନ ସେବା ପୁନର୍ବାର ଆରମ୍ଭ ହୋଇଛି ଏବଂ  ଏହି ଟ୍ରାକ ଦେଇ ଯାତାୟତ କରୁଥିବା ରେଳ ଚଳାଚଳ ଏବେ ସ୍ବାଭାବିକ ହୋଇଛି ବୋଳି ପୂର୍ବତଟ ରେଳପଥର  ଜଣେ ବରିଷ୍ଠ ରେଳ ଅଧିକାରୀ କହିଛନ୍ତି।

ରବିବାର କଟକ-ଭଦ୍ରକ ରେଳ ସେକ୍ସନର କେନ୍ଦ୍ରାପଡ଼ା ରୋଡ ଏବଂ ନେରଗୁଣ୍ଡି ଷ୍ଟେସନ ମଧ୍ୟରେ କାମାକ୍ଷା ଏକ୍ସପ୍ରେସ ଦୁର୍ଘଟଣା ଘଟିବାରୁ ଏହାର ୧୧ଟି ବଗି ଲାଇନଚ୍ୟୁତ ହୋଇଯାଇଥିଲା। ଫଳରେ ଏହି ଟ୍ରାକରେ ଟ୍ରେନ ସେବା ଅସ୍ଥାୟୀ ଭାବରେ ବାଧାପ୍ରାପ୍ତ ହୋଇଥିଲା। ବର୍ତ୍ତମାନ ଏହି ଟ୍ରକାରେ ରେଳ ଚଳାଚଳ ସ୍ବଭାବିକ ହୋଇଛି ବୋଲି ପୂର୍ବ ତଟ ରେଳପଥ ପକ୍ଷରୁ ପ୍ରକାଶିତ ଏକ ବିବୃତ୍ତିରେ କୁହାଯାଇଛି। ପ୍ରଥମ ଯାତ୍ରୀବାହୀ ଟ୍ରେନ, ଭୁବନେଶ୍ୱର-ନୂଆଦିଲ୍ଲୀ ରାଜଧାନୀ ଏକ୍ସପ୍ରେସ (ଟ୍ରେନ ନମ୍ବର-୨୨୮୨୩), ସକାଳ ୧୦.୨୫ ରେ ଡାଉନ ଲାଇନରେ ସ୍ଥାନ ଅତିକ୍ରମ କରିଥିଲା ବୋଲି  ପୂର୍ବ ତଟ ରେଳପଥ କର୍ତ୍ତୃପକ୍ଷ ଜାରି କରିଥିବା ବିବଅଦ୍ତିରେ ଦର୍ଶାଯାଇଛି।