ସିସୋଦିଆ ଓ ଅନ୍ୟ ଅଭିଯୁକ୍ତଙ୍କ ୫୨କୋଟିର ସମ୍ପତ୍ତି ଜବତ

ନୂଆଦିଲ୍ଲୀ : ଦିଲ୍ଲୀ ଅବକାରୀ ନୀତି ଅନିୟମିତତା ଅଭିଯୋଗରେ ଗିରଫ ହୋଇଥିବା ଆପ୍‌ ନେତା ତଥା ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ, ତାଙ୍କ ପତ୍ନୀ ଓ ଅନ୍ୟ ଅଭିଯୁକ୍ତଙ୍କର ୫୨କୋଟି ଟଙ୍କାରୁ ଅଧିକ ମୂଲ୍ୟର ସମ୍ପତ୍ତିକୁ ପ୍ରବର୍ତ୍ତନ ନିର୍ଦେଶାଳୟ (ଇଡି) ଜବତ କରିଛି । ଜବତ ସମ୍ପତ୍ତି ମଧ୍ୟରେ ସିସୋଦିଆଙ୍କର ୧୧.୪୯ କୋଟି ଟଙ୍କାର ବ୍ୟାଙ୍କ ଜମା, ବ୍ରିଣ୍ଡକୋ ସେଲ୍ସ ପ୍ରାଇଭେଟ ଲିମିଟେଡର ୧୬.୪୫ କୋଟି ଟଙ୍କାର ବ୍ୟାଙ୍କ ଜମା ରହିଛି। ମୋଟ ଉପରେ ୪୪.୨୯ କୋଟିର ଅସ୍ଥାବର ସମ୍ପତ୍ତି ଜବତ ହୋଇଥିବାବେଳେ ଅବଶିଷ୍ଟ ସମ୍ପତ୍ତି ସ୍ଥାବର।