ନୂଆଦିଲ୍ଲୀ : କରୋନା ମହାମାରୀ ପାଇଁ ୫ଟି ରାଜ୍ୟ ବିଧାନସଭା ନିର୍ବାଚନ ପ୍ରଚାର ଉପରେ ନିର୍ବାଚନ ଆୟୋଗ (ଇସି) ଲଗାଇଥିବା କଟକଣାକୁ କୋହଳ କରିଛନ୍ତି। ରବିବାର ନିର୍ବାଚନ ଆୟୋଗ ଜାରି କରିଥିବା ନିର୍ଦେଶ ଅନୁଯାୟୀ ସମ୍ମିଳନୀ କକ୍ଷରେ ୫୦% କ୍ଷମତାର ଲୋକଙ୍କୁ ନେଇ ନିର୍ବାଚନ ପ୍ରଚାର ବୈଠକ ଓ ସମାବେଶ ଆୟୋଜନ କରାଯାଇପାରିବ। ସେହିପରି ଖୋଲା ପଡିଆରେ ୩୦% କ୍ଷମତାରେ ଲୋକଙ୍କୁ ନେଇ ସମାବେଶ ଆୟୋଜନ କରାଯାଇପାରିବ। ବିଧାନସଭା ନିର୍ବାଚନ ହେଉଥିବା ରାଜ୍ୟ ମୁଖ୍ୟ ଶାସନ ସଚିବ ଓ କେନ୍ଦ୍ର ସ୍ବାସ୍ଥ୍ୟ ସଚିବଙ୍କ ସହ ବୈଠକ ପରେ ଇସି ଏହି ନିଷ୍ପତ୍ତି ନେଇଛନ୍ତି। ତେବେ ନିର୍ବାଚନ ପାଇଁ ଶୋଭାଯାତ୍ରା, ମୋଟର ସାଇକଲ ଶୋଭାଯାତ୍ରା, ପଦଯାତ୍ରା ଉପରେ କଟକଣା ବଳବତ୍ତର ରହିଛି। ଘରକୁ ଘର ବୁଲି ନିର୍ବାଚନ ପ୍ରଚାର ସମୟରେ ସମୟରେ ସର୍ବାଧିକ ୨୦ଜଣ ଲୋକ ସାମିଲ ହୋଇପାରିବେ। ସେହିପରି ରାତି ୮ଟାରୁ ସକାଳ ୮ଟା ପର୍ଯ୍ୟନ୍ତ କୌଣସି ପ୍ରକାର ନିର୍ବାଚନ ପ୍ରଚାର କରାଯାଇପାରିବ ନାହିଁ। ଉତ୍ତରପ୍ରଦେଶ, ଉତ୍ତରାଖଣ୍ଡ, ପଞ୍ଜାବ, ମଣିପୁର ଓ ଗୋଆରେ ବିଧାନସଭା ନିର୍ବାଚନ ହେବାକୁ ଯାଉଥିବାବେଳେ ଏଠାରେ ଦୈନିକ କରୋନା ସଂକ୍ରମଣ ୭ ହଜାରକୁ ହ୍ରାସ ପାଇଛି।
Popular Categories
Previous article
Next article