ନୂଆଦିଲ୍ଲୀ : ନିକଟରେ ସୋସିଆଲ ମିଡିଆରେ ଏକ ଡଲଫିନକୁ ଉଦ୍ଧାର କରିବାର ଏକ ଭିଡିଓ ଖୁବ୍ ଭାଇରାଲ ହେଉଛି । ଏହାକୁ ଜଣେ ଆଇଏଏସ୍ ଅଧିକାରୀ ନିଜ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି । ଭିଡିଓରେ କିଛି ମତ୍ସ୍ୟଜୀବୀ ଜାଲରେ ଫସିଥିବା ଏକ ଡଲଫିନକୁ ବାହାର କରି ପୁଣି ସମୁଦ୍ରରେ ଛାଡୁଥିବା ଦେଖିବାକୁ ମିଳିଛି । ସୋସିଆଲ ମିଡିଆରେ ଏହି ଭିଡିଓକୁ ଖୁବ୍ ପସନ୍ଦ କରୁଛନ୍ତି ଲୋକେ । ସମସ୍ତେ ସେହି ମତ୍ସ୍ୟଜୀବୀଙ୍କୁ ପ୍ରଶଂସା କରୁଛନ୍ତି ।
କୁହାଯାଉଛି କି ମାଛ ଧରିବା ପାଇଁ ମତ୍ସ୍ୟଜୀବୀ ସମୁଦ୍ରରେ ଜାଲ ପକାଇଥିଲେ । କିନ୍ତୁ ଭୁଲରେ ସେଥିରେ ୩ଟି ଡଲଫିନ୍ ଫସିଗଲେ । ସମସ୍ତଙ୍କୁ ଜାଲରୁ ଉଦ୍ଧାର କରି ସୁରକ୍ଷିତ ଭାବେ ସମୁଦ୍ରରେ ଛାଡିଦିଆଗଲା । ଭାଇରାଲ ହେଉଥିବା ଏହି ଭିଡିଓରେ ମତ୍ସ୍ୟଜୀବୀମାନେ ଅତି ସାବଧାନତାର ସହ ଡଲଫିନଗୁଡିକୁ ଜାଲରୁ କାଢି ପୁଣି ସମୁଦ୍ରରେ ଛାଡୁଥିବା ଦେଖିବାକୁ ମିଳୁଛି ।
ପ୍ରାୟ ୧ ମିନିଟ୍ ୮ ସେକେଣ୍ଡର ଏହି ଭିଡିଓକୁ ଏପର୍ଯ୍ୟନ୍ତ ୮୨ ହଜାରରୁ ଅଧିକ ଲୋକ ଦେଖିସାରିଲେଣି । ପ୍ରାୟ ୧ ହଜାରରୁ ଅଧିକ ଲୋକ ଏହାକୁ ପସନ୍ଦ କରିଛନ୍ତି । ଭିଡିଓରେ ସମସ୍ତେ ମତ୍ସ୍ୟଜୀବୀଙ୍କ କାମକୁ ପ୍ରଶଂସା କରୁଛନ୍ତି । ସମସ୍ତେ ଏହାକୁ ସେୟାର କରୁଛନ୍ତି ।
