ଭଦ୍ରକ: କୁହାଯାଏ ଭଗବାନଙ୍କ ଦ୍ବିତୀୟ ଅବତାର ହେଉଛି ଡାକ୍ତର। ଭଗବାନ ଗୋଟିଏ ଜନ୍ମ ଦେଇ ଧରିତ୍ରୀ ପୃଷ୍ଠକୁ ପଠାଇଥାନ୍ତି। କିନ୍ତୁ ସ୍ବାସ୍ଥ୍ୟଗତ ଜନିତ ସମସ୍ୟା ଦୂର କରି ଡାକ୍ତର ତାଙ୍କୁ ଦ୍ବିତୀୟ ଜନ୍ମ ଦେଇଥାଏ। ସେହି ଡାକ୍ତର ରୂପରେ ଦ୍ବିତୀୟ ଭଗବାନଙ୍କୁ ପାଇ ଆତ୍ମବିଭୋର ହୋଇ ପଡିଛନ୍ତି ଜଣେ ବୃଦ୍ଧା। ଯାହାର ଏକ ଭିଡିଓ ଭାଇରାଲ ହୋଇଛି। ଭିଡିଓରେ ଦେଖିବାକୁ ମିଳିଛି ଯେ, ବୃଦ୍ଧା ଜଣଙ୍କ ଡାକ୍ତରଙ୍କୁ ଆଲିଙ୍ଗନ କରୁଛନ୍ତି। ଖୁସୀରେ ଆତ୍ମବିଭୋର ହୋଇ ବୃଦ୍ଧା ଜଣଙ୍କ ବହୁତ କଥା ମଧ୍ୟ ଗପୁଛନ୍ତି। ଡାକ୍ତର ମଧ୍ୟ ବୃଦ୍ଧାଙ୍କ ସବୁ କଥା ଶୁଣିବା ସହ ତାଙ୍କୁ ଆଲିଙ୍ଗନ କରୁଛନ୍ତି।
ମିଳିଥିବା ସୂଚନା ଅନୁଯାୟୀ, ଚରମ୍ପା ଅଞ୍ଚଳର ଜଣେ ବୃଦ୍ଧା ଦୀର୍ଘ ୪ ବର୍ଷ ପୂର୍ବେ ଅସ୍ଥିଶଲ୍ୟ ରୋଗରେ ପୀଡିତ ହୋଇ ଭଦ୍ରକ ମେଡିକାଲରେ ଭର୍ତ୍ତି ହୋଇଥିଲେ। ଅସ୍ଥିଶଲ୍ୟ ବିଭାଗର ଡାକ୍ତର ଆର୍ଯ୍ୟ ମିଶ୍ର ତାଙ୍କୁ ଚିକିତ୍ସା କରି ସମ୍ପୂର୍ଣ୍ଣ ସୁସ୍ଥ କରିଥିଲେ।
Comments are closed.