ଦୋବଲ : ରାତିରେ ପଶି ଲୁଟିନେଲେ ସୁନା ଅଳଙ୍କାର। ଭଦ୍ରକ ଜିଲ୍ଲା ଧାମନଗର ଥାନା ଅଧୀନ ଚୁଡାକୁଟି ବଜାରରେ ଥିବା ଜଗା କାଳିଆ ଜୁଏଲାରୀ ଦୋକାନରୁ ଗତ କାଲି ରାତ୍ରରେ ଲକ୍ଷାଧିକ ଟଙ୍କାର ସୁନା ଅଳଙ୍କାର ସହିତ ରୂପା ଚୋରି ହୋଇଥିବା ଥାନାରେ ଅଭିଯୋଗ ହୋଇଛି। ଅଭିଯୋଗ ମୁତାବକ ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।
ଖବରରୁ ଜଣାଯାଏ; ଚୁଡାକୁଟି ବଜାରରେ ଥିବା ଏକ ମାର୍କେଟ କମ୍ପ୍ଲେକ୍ସ ମଧ୍ୟରେ ରବୀନ୍ଦ୍ର କୁଣ୍ଡୁ ଦୀର୍ଘ ଦିନ ହେବ ସୁନା ଦୋକାନ କରିଥିଲେ। ଗତ କାଲି ରାତି ସମୟରେ ୪ଜଣ ଦୃବୃତ ପହଞ୍ଚି ପ୍ରଥମେ ନିକଟରେ ଥିବା ମିଠା ଦୋକାନିକୁ ବନ୍ଧକ ରଖି ୨୨ ହଜାରରୁ ଉର୍ଦ୍ଧ୍ବ ଟଙ୍କା ଲୁଟିନେଇଥିଲେ।
ଏହାପରେ ନିକଟରେ ଥିବା ସୁନା ଦୋକାନର ସଟର କାଟି ରଖିଥିବା ସୁନା ଅଳଙ୍କାର ଓ ରୂପା ଜିନିଷ ଚୋରୀ କରି ଫେରାର ହୋଇଯାଇଥିଲେ। ଖବର ପାଇ କମ୍ପ୍ଲେକ୍ସ ମାଲିକ ପହଞ୍ଚି ମିଠା ଦୋକାନୀଙ୍କୁ ଉଦ୍ଧାର କରିବା ସହ ପୋଲିସ୍ କୁ ଖବର ଦେଇଥିଲ। ତେବେ ପୋଲିସ ପହଞ୍ଚି ତଦନ୍ତ ଚଳାଇବା ସହ ଅଧିକ ତଦନ୍ତ ପାଇଁ ଭଦ୍ରକ ସାଇଣ୍ଟିଫିକ ଟିମ ଓ ସନ୍ଧନୀ କୁକୁର ପହଞ୍ଚି ତଦନ୍ତ ଚଳାଇଛି। ଅନ୍ୟପକ୍ଷେ
ପୋଲିସର ପେଟ୍ରୋଲିଙ୍ଗ ହେଉନଥିବାରୁ ଧାମନଗର ଅଞ୍ଚଳରେ ବାରମ୍ବାର ଚୋରୀ ଛିନ୍ତାଇ ଭଳି ଘଟଣା ବଢି ଚାଲିଥିବା ବୁଦ୍ଧିଜୀବୀ ମହଲରେ ଅଭିଯୋଗ ହେଉଛି।
Comments are closed.