ନୂଆଦିଲ୍ଲୀ : ଜଣେ ପାକିସ୍ତାନୀ କଣ୍ଟେଣ୍ଟ କ୍ରିଏଟର କରାଚୀରେ ପ୍ରଥମ ଥର ଦୀପାବଳି ପାଳନ କରି ଏକ ଭିଡିଓ ସାମାଜିକ ଗଣମାଧ୍ୟମରେ ସେୟାର କରିଛନ୍ତି ଯାହା ଏବେ ଭାଇରାଲ ହେବାରେ ଲାଗିଛି । ବିଲାଲ ହସନଙ୍କ ଦ୍ବାରା ଇନଷ୍ଟାଗ୍ରାମରେ ସେୟାର ହୋଇଥିବା ଏହି ଭିଡିଓକୁ ଲକ୍ଷେରୁ ଅଧିକ ଦେଖିସାରିଲେଣି ।
View this post on Instagram
ଭିଡିଓରେ ହସନ ସ୍ବାମୀ ନାରାୟଣ ମନ୍ଦିରରେ ଉତ୍ସବ ପାଳନ କରୁଛନ୍ତି ଯେଉଁଠି ସ୍ଥାନୀୟଲୋକେ ଦୀପାବଳି ପାଳନ ପାଇଁ ଏକାଠି ହୋଇଥିଲେ । ସମସ୍ତେ ପରସ୍ପରଙ୍କୁ ମିଠା ପ୍ରଦାନ କରିବା ସହ ବାଣ ଫୁଠାଇ ଦୀପାବଳିକୁ ଉପଭୋଗ କରୁଛନ୍ତି ।
ସେ କହିଛନ୍ତି କି ‘ଏହା କରାଚୀର ସବୁଠାରୁ ବଡ ମନ୍ଦିର ଏବଂ ହିନ୍ଦୁ ଜୀବନର କେନ୍ଦ୍ର । ସ୍ଥାନଟି ଗହଳିପୂର୍ଣ୍ଣ ଥିଲା ।’ ହସନ କହିଛନ୍ତି କି ‘ମୁଁ ଜୀବନରେ ଏଭଳି ଦୀପାବଳି ପାଳନ କରାଚୀ ସହରରେ ଦେଖିନି ।’ ପୂର୍ରରୁ ୟୁଟ୍ୟୁବର ଧୀରଜ ମନ୍ଧାନଙ୍କ ଦ୍ବାରା ସେୟାର ହୋଇଥିବା ‘କରାଚୀରେ ନବରାତ୍ରି ସମାରୋହ’ର ଭିଡିଓ ବେଶ୍ ଭାଇରାଲ ହୋଇଥିଲା ।
Comments are closed.