ଚୌଦ୍ୱାର : କଳିଙ୍ଗ ନୋଡ଼ାଲ ବିଦ୍ୟାପୀଠରେ ପ୍ରାକୃତିକ ବିପର୍ଯ୍ୟୟ ମୁକାବିଲା ସଚେତନତା କାର୍ଯ୍ୟକ୍ରମ ପ୍ରଧାନ ଶିକ୍ଷକ ଗୌତମ କୁମାର ଆଚାର୍ଯ୍ୟଙ୍କ ପୌରୋହିତ୍ୟରେ ଅନୁଷ୍ଠିତ ହୋଇ ଯାଇଛି । ଏହି କାର୍ଯ୍ୟକ୍ରମରେ ପୂର୍ବତନ କ୍ରୀଡ଼ା ଶିକ୍ଷକ ଉତ୍ତମ କୁମାର ସ୍ୱାଇଁ ୧୯୯୯ ମସିହା ଅକ୍ଟୋବର ୨୯ରେ ଅନୁଷ୍ଠିତ ମହାବାତ୍ୟାର ଭୟାବହତା ଓ ବିଭତ୍ସତା ସମ୍ପର୍କରେ ଆଲୋଚନା କରି ଯେକୌଣସି ପ୍ରାକୃତିକ ବିପର୍ଯ୍ୟୟକୁ ମୁକାବିଲା କରିବା ପାଇଁ ଧୌର୍ଯ୍ୟ, ସାହସ, ପରସ୍ପର ସହଯୋଗ ଓ ପୂର୍ବ ପ୍ରସ୍ତୁତି ଅତ୍ୟନ୍ତ ଜରୁରୀ ବୋଲି ମତବ୍ୟକ୍ତ କରିବା ସହିତ ବିପର୍ଯ୍ୟୟ ସମୟରେ ପ୍ରତି କ୍ଷେତ୍ରରେ ସଜାଗ ରହିବା ପାଇଁ ପରାମର୍ଶ ଦେଇଥିଲେ । ଶିକ୍ଷକ ପଞ୍ଚାନନ ମଲ୍ଲ, ସୋନାଲୀ ମହାପାତ୍ର, ମହେନ୍ଦ୍ର ସାହୁ ପ୍ରମୁଖଙ୍କ ସମେତ ବହୁ ଛାତ୍ରଛାତ୍ରୀ ଆଲୋଚନାରେ ଅଂଶ ଗ୍ରହଣ କରିଥିଲେ । ଶିକ୍ଷକ ପ୍ରଦୀପ୍ତ ପଣ୍ଡା ଧନ୍ୟବାଦ ଅର୍ପଣ କରିଥିଲେ।
Comments are closed.