ବରପାଲି : ମାହାତ୍ମା ଗାନ୍ଧି ଛକ ସମ୍ମୁଖରେ ବରପାଲି ହେମାଲ ସଂଘ ପକ୍ଷରୁ ହେମାଲଦର ବୃଦ୍ଧିକୁ ନେଇ ଆନ୍ଦୋଳନର ଡ଼ାକାରା ଦେବା ସହ ସମୁହ ଧାରଣାରେ ବସିଥିବା ଦେଖାଯାଇଛି। ଶନିବାର ପୁର୍ବାହ୍ନରେ ସ୍ଥାନୀୟ ବଣିକସଂଘ ଦ୍ୱାରା ଧାର୍ଯ୍ୟ ହେମାଲି ଦର ବର୍ତ୍ତମାନ ସ୍ଥିତିରେ ବୃଦ୍ଧି କରାଯାଉ ବୋଲି ସଂଘର ସଦସ୍ୟ ମାନେ ଦାବୀ ଉଠାଇଥିଲେ। ସୂଚନାନୁଯାୟୀ ଗତ ତିନିବର୍ଷ ପୁର୍ବରୁ ହେମାଲି ମାନଙ୍କ ସହ କଥାବାର୍ତ୍ତା ମାଧ୍ୟମରେ ବଣିକସଂଘ ନିର୍ଦ୍ଦାରଣ କରିଥିଲା। ହେଲେ ବର୍ତ୍ତମାନର କୋଭିଡ଼ ସମୟରେ ଲକଡ଼ାଉନ ଓ ବ୍ୟବସାୟିକ ଅବ୍ୟବସ୍ଥାରେ ହେମାଲ ମାନେ ଘୋର ଅସୁବିଧାର ସମ୍ମୁଖିନ ହୋଇଛନ୍ତି। ଯାହାକି ବର୍ତ୍ତମାନ ସମୟରେ ମଧ୍ୟ ଲକଡ଼ାଉନର ଦାଉ ଏବଂ ବର୍ତ୍ତମାନ ବଜାରଦର ମାଡ଼ ବାଧ୍ୟହୋଇ ସହିବାକୁ ପଡ଼ୁଥିବା ସଦସ୍ୟ ମାନେ କହିଥିଲେ। ପୁର୍ବ ନିର୍ଦ୍ଧାରଣ ଅନୁଯାୟୀ ବଣିକସଂଘ ତିନିବର୍ଷରେ ଥରେ ଦୁଇପକ୍ଷଙ୍କୁ ସୁହାଇଲା ପରି ମାଲବୁହା ଦର ବଢ଼େଇବାକୁ କଥା ଦେଇଥିଲେ। ହେଲେ ଗତ ତିନିବର୍ଷରୁ ଉର୍ଦ୍ଧ୍ବ ସମୟ ବିତିଯାଇଥିଲେ ସୁଦ୍ଧା ବ୍ୟବସାୟୀ ସଂଘ କୌଣସି ନିଷ୍ପତ୍ତି କାୟମ ନକରିବାରୁ ଆମେ ବାଧ୍ୟ ହୋଇ ଆନ୍ଦୋଳନକୁ ଓହ୍ଲାଇଛୁ ବୋଲି ହେମାଲି ସଂଘ କହିଥିଲେ। ଅପରପକ୍ଷେ ବଣିକସଂଘ ସଂପାଦକ ସୁରେନ୍ଦ୍ର ହୋତାଙ୍କ କହିବାକଥା ହେମାଲି ମାନଙ୍କ ଦାବୀର ଯର୍ଥାତତା ରହିଛି। ହେଲେ ଆମକୁ ଗତ ପାଞ୍ଚଦିନ ପୁର୍ବରୁ ସଂଘ ସମସ୍ୟା ଉପରେ ଅବଗତ କରିବା ସହ କଥାବାର୍ତ୍ତା ହୋଇଥିଲା। ଆମେ ସେମାନଙ୍କୁ ବୁଝାଇବା ସହିତ ଆଗାମୀ ୧୫ ଦିନ ମଧ୍ୟରେ ଆଲୋଚନା କରିବା ସହ ତମମାନଙ୍କୁ ଜଣାଇଦେବୁ ବୋଲି ସମୟ ମାଗିଥିଲୁ। ହେଲେ ଆଜି ପାଞ୍ଚଦିନ ନପୁରୁଣୁ କାମଧନ୍ଧା ବନ୍ଦ କରି ଧାରଣାରେ ବସିବା ଠିକ ହୋଇନାହିଁ ବୋଲି ଜବାବ ରଖିଥିଲେ। ତଥାପି ଖୁବଶୀଘ୍ର ଆମ ସଂଘ କମିକର୍ତ୍ତା ଓ ବିଭିନ୍ନ ପ୍ରତିଷ୍ଠାନର ମୂଖ୍ୟ ମାନଙ୍କ ସହ ଆଲୋଚନା କରି ଉଚିତ ବ୍ୟବସ୍ଥା କରାଯିବ ବୋଲି ସୂଚନା ଦେଇଥିଲେ।
Popular Categories
Previous article
Next article