ସମାଜ ଡିଜିଟାଲ ଡେସ୍କ: ଦୀଘା ଜଗନ୍ନାଥ ମନ୍ଦିରକୁ ନେଇ ବିବାଦ ଲାଗି ରହିଥିବାବେଳେ ସୋମବାର ମନ୍ଦିର ସମ୍ମୁଖରୁ ହଟାଇ ଦିଆଯାଇଛି ‘ଜଗନ୍ନାଥ ଧାମ’ ଫଳକ। ଜଗନ୍ନାଥପ୍ରେମୀଙ୍କ ତୀବ୍ର ବିରୋଧ ପରେ ଶେଷରେ ଦୀଘା ଜଗନ୍ନାଥ ମନ୍ଦିର ସମ୍ମୁଖରେ ‘ଜଗନ୍ନାଥ ଧାମ’ ଲେଖାଥିବା ସେଲ୍ଫି ପଏଣ୍ଟକୁ ପଶ୍ଚିମବଙ୍ଗ ସରକାର ହଟାଇ ଦେଇଛନ୍ତି। ଏନେଇ ‘ଏକ୍ସ’ ମାଧ୍ୟମରେ ସୂଚନା ଦେଇଛନ୍ତି ବିଜେପି ମିଡିଆ ସେଲ୍ ଅଧ୍ୟକ୍ଷ ଅମିତ ମାଲବ୍ୟ।
After strong protests from devotees of Prabhu Jagannath, the West Bengal government was forced to quietly remove the misleading ‘Dham’ signage in Digha. This is a significant victory for Hindu unity and a setback to Mamata Banerjee’s divisive agenda. When Hindus stand united, no… pic.twitter.com/T77OCyNZiz
— Amit Malviya (@amitmalviya) May 5, 2025
‘ଏକ୍ସ’ରେ ଦୁଇଟି ଫଟୋ ଶେୟାର କରିଛନ୍ତି ଅମିତ। ଗୋଟିଏ ‘ଜଗନ୍ନାଥ ଧାମ’ ଲେଖାଥିବା ସମୟର ଏବଂ ଅନ୍ୟଟି ଲେଖା ହଟିବା ପରେ। ଏଥିସହ ସେ ଲେଖିଛନ୍ତି, ‘‘ପ୍ରଭୁ ଜଗନ୍ନାଥଙ୍କ ଭକ୍ତମାନଙ୍କ ତୀବ୍ର ବିରୋଧ ପରେ ପଶ୍ଚିମବଙ୍ଗ ସରକାର ଦୀଘାରେ ଥିବା ଭ୍ରାମକ ‘ଧାମ’ ଲେଖାକୁ ଚୁପଚାପ୍ ହଟାଇବାକୁ ବାଧ୍ୟ ହୋଇଛନ୍ତି। ଏହା ହିନ୍ଦୁ ଏକତାର ଏକ ଗୁରୁତ୍ୱପୂର୍ଣ୍ଣ ବିଜୟ ଏବଂ ମମତା ବାନାର୍ଜୀଙ୍କ ବିଭାଜନକାରୀ ଏଜେଣ୍ଡା ପ୍ରତି ଏକ ଶକ୍ତ ଝଟକା। ଯେତେବେଳେ ହିନ୍ଦୁମାନେ ଏକତ୍ରିତ ହୁଅନ୍ତି, କୌଣସି ରାଜନୈତିକ କାରସାଦି ସଫଳ ହୋଇପାରେ ନାହିଁ। ଜୟ ଜଗନ୍ନାଥ!’’
ଏଠାରେ ସୂଚନାଯୋଗ୍ୟ, ମନ୍ଦିର ସାମ୍ନାରୁ ଜଗନ୍ନାଥ ଧାମ ଲେଖା ହଟିଥିଲେସୁଦ୍ଧା ଓ୍ବେବସାଇଟ୍ରେ ଏବେବି ଜଗନ୍ନାଥ ଧାମ ରହିଛି। ଓ୍ବେବସାଇଟ୍ରେ ସ୍ପଷ୍ଟ ଭାବେ ଲେଖାଯାଇଛି ‘ଜଗନ୍ନାଥ ଧାମ’।
