ଧାମରା: ଧାମରାରେ ଚାଲିଥିବା ନବକୁଞ୍ଜ ମହାଯଜ୍ଞରେ ପୁରୀ ଶ୍ରୀକ୍ଷେତ୍ରରେ ଥିବା୧୨୭ଟି ମଠର ମହନ୍ତମାନେ ଯୋଗଦେଇଛନ୍ତି। ଆଜି ସେମାନେ ଧାମରାରେ ପହଞ୍ଚିବା ପରେ ବସଷ୍ଟାଣ୍ଡ ଠାରୁ ସେମାନଙ୍କୁ ଭବ୍ୟ ସ୍ୱାଗତ ସମ୍ବର୍ଦ୍ଧନା ମଧ୍ୟରେ ସେମାନଙ୍କୁ ଧାମରାଇ ମନ୍ଦିର ନିକଟସ୍ଥ ନବକୁଞ୍ଜ ପୀଠକୁ ପାଛୋଟି ନିଆଯାଇଥିଲା। ଏହାପରେ ସେମାନେ ଏହି ନବକୁଞ୍ଜ ଠାରେ ପୂଜା ପାଠ କରିବା ସହ ନାମଯଜ୍ଞରେ ଭାଗ ନେଇଥିଲେ। ଆଜି ସନ୍ଧ୍ୟାରେ ହରିହାଟ ଏବଂ ଭାଗବତ ପାରାୟଣରେ ମଧ୍ୟ ସେମାନେ ଭାଗ ନେବା ସହ ପ୍ରବଚନ ଦେଇଥିଲେ। ଆଜି ଧାମରା ପୀଠରେ ବହୁ ଭକ୍ତଙ୍କର ସମାଗମ ହୋଇଥିବା ବେଳେ ସନ୍ଧ୍ୟାରେ ମଧ୍ୟ ବହୁ ଜନ ସମାଗମ ଲକ୍ଷ୍ୟ କରାଯାଇଥିଲା।
ଏଠାରେ ଉଲ୍ଲେଖ ଯୋଗ୍ୟ ଦୀର୍ଘ ୭ଦିନ ବ୍ୟାପୀ ଚାଲିଥିବା ନବକୁଞ୍ଜରେ ପ୍ରତ୍ୟେହ ୧୫ହଜାରରୁ ଊର୍ଦ୍ଧ ଭକ୍ତଙ୍କ ସମାଗମ ହେଉଥିବାବେଳେ ସମସ୍ତଙ୍କ ପାଇଁ ପ୍ରସାଦ ସେବନର ବ୍ୟବସ୍ଥା କରାଯାଇଛି। ଏହି ନବକୁଞ୍ଜରେ ଧାମରା ୮ପଞ୍ଚାୟତର ସମସ୍ତ ବାସିନ୍ଦାଙ୍କ ସହଯୋଗରେ ଏହି କାର୍ଯ୍ୟକ୍ରମ ଅହୋରାତ୍ର ଚାଲିଛି।
