ପ୍ରେମୀ ଯୁଗଳଙ୍କ ଆତ୍ମହତ୍ୟା ଉଦ୍ୟମ ; ପ୍ରେମିକ ମୃତ

ଢେଙ୍କାନାଳ ସଦର: ପ୍ରେମକୁ ନେଇ ଢେଙ୍କାନାଳ ସଦର ଥାନା ଗୋବିନ୍ଦପୁର ଫାଣ୍ଡି ଅଂଚଳରେ ଘଟିଛି ଅଭାବନୀୟ ଘଟଣା। ବେକରେ ରସି ଲଗାଇ ଗଛରେ ଝୁଲି ପଡିଲେ ପ୍ରେମୀ ଯୁଗଳ । ତେବେ ପ୍ରେମିକର ମୃତ୍ୟୁ ହୋଇଥିବା ବେଳେ ପ୍ରେମିକା ଜଣଙ୍କ ଗୁରୁତର ହୋଇଛନ୍ତି। ଗୁରୁତର ପ୍ରେମିକା ଢେଙ୍କାନାଳ ମୁଖ୍ୟ ଡାକ୍ତର ଖାନାରେ ଚିକିତ୍ସା ପାଇଁ ଭର୍ତ୍ତି ହୋଇ ଥିବା ଜଣାପଡିଛି। ଗୋବିନ୍ଦପୁର ଫାଣ୍ଡି ଠାରୁ କିଛି ଦୂର ଗୋବିନ୍ଦପୁର ନୂଆ ସାହି ଆମ୍ବ ତୋଟାରେ ଝୁଲନ୍ତା ଅବସ୍ଥାରେ ପ୍ରେମିକର ମୃତଦେହ ଉଦ୍ଧାର କରିଛି ପୁଲିସ। ମୃତ ପ୍ରେମିକ ଜଣକ ଗୋବିନ୍ଦ ପୁର ଗ୍ରାମର। ଗୁରୁତର ପ୍ରେମିକା ସ୍ଥାନୀୟ ବଳଦିଆ ବନ୍ଧ ଗ୍ରାମର ବୋଲି ଜଣାପଡିଛି। ମୃତ ଯୁବକ ଜଣଙ୍କ ଗୋବିନ୍ଦପୁର ଅଂଚଳରେ ବ୍ୟବସାୟ କରନ୍ତି। ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଥିବାବେଳେ  ଉଭୟେ ଘରୁ ବାଇକ ଯୋଗେ ପଳାଇ ଆସିଥିଲେ। ମାତ୍ର ଭୋର ସମୟରେ ଉଭୟଙ୍କୁ ଏପରି ଅବସ୍ଥାରେ ଆମ୍ବ ତୋଟାରେ ଠାବ କରାଯାଇଥିଲା।
ଖବର ପାଇ ଗୋବନ୍ଦପୁର ଫାଣ୍ଡି ପୁଲିସ ପହଂଚି ମୃତଦେହକୁ ଉଦ୍ଧାର କରି ତଦନ୍ତ ଆରମ୍ଭ କରିଛି। ଘରଣାସ୍ଥଳରୁ ଯୁବକର ବାଇକ ଜବତ କରିଛି ପୁଲିସ। ମାତ୍ର ମୃତ ଯୁବକର ବେକରେ ମୋଟା ରସି ଲାଗିଥିବାବେଳେ ଗୋଡ଼ ତଳେ ଲାଗିଥିବା ଓ ଗୁରୁତର ପ୍ରେମିକାକୁ ତାର ଭାଇ ଘଟଣାସ୍ଥଳରୁ ଉଦ୍ଧାର କରି ଚିକିତ୍ସା ପାଇଁ ଡାକ୍ତରଖାନାରେ ନେଇଥିବା ଜଣାପଡିଛି। ଫଳରେ ପାରି ପାର୍ଶିକ ସ୍ଥିତିକୁ ନେଇ ଆତ୍ମହତ୍ୟାକୁ ନେଇ ସନ୍ଦେହ କରାଯାଉଥିବା ବେଳେ ପୁଲିସ ଘଟଣାର ତଦନ୍ତ ଆରମ୍ଭ କରିଛି।