ଢେଙ୍କାନାଳ ସଦର: ଢେଙ୍କାନାଳ ସଦର ଥାନା ଅନ୍ତର୍ଗତ କାଇମାଟି ପଞ୍ଚାୟତ କୁକୁଡାଝର ନିକଟରେ ପୂର୍ବ ଶତ୍ରୁତାରୁ ଦୁଇ ଗୋଷ୍ଠୀ ମଧ୍ୟରେ ମୁହାଁମୁହିଁ ହୋଇଛନ୍ତି । ଏଥିରେ ୩ ଜଣ ଆହତ ହୋଇଥିବା ବେଳେ ପୁଲିସ୍ ୨ ଜଣଙ୍କୁ ଗିରଫ କରି କୋର୍ଟଚାଲାଣ କରିଥିବା ଜଣାପଡିଛି। ଗିରଫ ଦୁଇଜଣ ବେଲଟିକିରି ପଞ୍ଚାୟତ ଜଙ୍ଖିରା ଗ୍ରାମର ଦିବ୍ୟରଞ୍ଜନ ହୋତା ଓ କାଇମାଟିର ଜଗବନ୍ଧୁ ଦେହୁରୀ ବୋଲି ଜଣାପଡିଛି। ଉଭୟ ଗୋଷ୍ଠୀର ଆକ୍ରମଣରେ ସୂର୍ଯ୍ୟକାନ୍ତ ଖିଲାରଙ୍କ ସମେତ ଅନ୍ୟ ଦୁଇଜଣ ଆହତ ହୋଇଛନ୍ତି। କାଇମାଟି ସରପଞ୍ଚଙ୍କ ସମର୍ଥକ ଏହି ଆକ୍ରମଣ କରିଥିବା ଶ୍ରୀ ଖିଲାର ଅଭିଯୋଗ କରିଛନ୍ତି। ସେହିପରି କାଇମାଟିର ସୁଶିଲ ଦେହୁରୀ ଓ ସୂର୍ଯ୍ୟକାନ୍ତ ଖିଲାର ସେମାନଙ୍କ ସମର୍ଥକଙ୍କୁ ଆକ୍ରମଣ କରିଥିବା କାଇମାଟି ସରପଞ୍ଚ ଅମିତଜ୍ୟୋତି ସ୍ୱାଇଁ ଥାନାରେ ଅଭିଯୋଗ କରିଛନ୍ତି। ସଦର ପୁଲିସ୍ ୨ଟି ପୃଥକ ମାମଲା ରୁଜିୁ କରି ୨ ଜଣଙ୍କୁ ଗିରଫ କରି ଅଧିକ ତଦନ୍ତ କରୁଛି।
Comments are closed.