ଧର୍ମଗଡ : ଦାଦନ ପୁଣି ଏକ ଜୀବନ ନେଇଛି। ପେଟ ପାଇଁ ଆହର ମୁଠାଏ ଯୋଗାଇବାକୁ ଯାଇ ତେଲେଙ୍ଗାନାରେ ଜଣେ ନାବାଳକର ମୃତ୍ୟୁ ହୋଇଛି। ନାବାଳକ ଜଣକ ଧର୍ମଗଡ ବ୍ଳକ ଅନ୍ତର୍ଗତ ଚିଲଚିଲା ଗାଁର ଅକୁର ମାଝୀ(୧୫) ବୋଲି ଜଣାପଡିଛି। ମିଳିଥିବା ସୂଚନାନୁଯାୟୀ ଚିଲଚିଲା ଗାଁର ଅକୁର ମାଝି ଗତ କିଛି ମାସ ତଳେ ତେଲେଙ୍ଗାନାକୁ କାମ କରିବାକୁ ଯାଇଥିଲା। ସେ ସେଠରେ ଏକ ଟ୍ରକ ହେଲପର ଭାବେ କାମ କରୁଥିଲା। ଗତ ୧୫ ତାରିଖରେ ତାଙ୍କ ଗାଡି ଏକ ଗଛରେ ପିଟି ହୋବା ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା। ମୃତ ଅକୁରଙ୍କ ପରିବାର ଅତ୍ୟନ୍ତ ଗରିବ ଶ୍ରେଣୀର। ପରିବାରରେ ବାପା,ମାଁ ଓ ଦୁଇ ଭାଇ। ସେ ଘରର ବଡ ପୁଅ। ଘରର ଆର୍ଥିକ ଅବସ୍ଥା ଭଲ ନଥିବାରୁ ଯେଉଁ ବୟସରେ ସ୍କୁଲବସ୍ତାନି ଧରି ପାଠ ପଢ଼ିଯିବା କଥା ସେଇ ବିୟସରେ ସେ ଦାଦନ ଖଟିବାକୁ ଯାଇଥିଲା। ଆସନ୍ତା କାଲି ତାଙ୍କ ମୃତ ଦେହ ଗାଁକୁ ଆସିବ ବୋଲି ଜଣାପଡଛି।।
Popular Categories
Previous article
Next article