ମୁମ୍ବଇ : ମରାଠୀଙ୍କ ପାଇର୍ ଶିକ୍ଷା ଓ ନିଯୁକ୍ତି କ୍ଷେତ୍ରରେ ଆଇନାନୁସାରେ ସଂରକ୍ଷଣ କାର୍ଯ୍ୟାରୀ କରାଯିବ ବୋଲି ଗୁରୁବାର କହିଛନ୍ତି ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ଼ନାବିସ୍। ଏ ସମ୍ପର୍କରେ ଆଇନଗତ ପଦକ୍ଷେପ ଗ୍ରହଣ କରାଯାଉଛି ଓ ଏହା ଶେଷ ହେବା ପରେ ସଂରକ୍ଷଣ ଲାଗୁ କରାଯିବ ବୋଲି ସେ ସୂଚନା ଦେଉଛନ୍ତି। ମରାଠା ସଂରକ୍ଷଣ ଆନ୍ଦୋଳନ ସାରା ରାଜ୍ୟକୁ ବ୍ୟାପିବା ପରିପ୍ରେକ୍ଷୀରେ ମୁଖ୍ୟମନ୍ତ୍ରୀ ଗୁରୁବାର ବିଭିନ୍ନ ଦଳର ନେତା, ଆନ୍ଦୋଳନକାରୀ ଓ ସରକାରୀ ଅଧିକାରୀମାନଙ୍କ ସହିତ ଆଲୋଚନା ପରେ ଏ ନେଇ ଏକ ମିଳିତ ଘୋଷଣାନାମା ପ୍ରକାଶ ପାଇଛି। ଏଥିରେ ଆଲୋଚନାରେ ଉପସ୍ଥିତ ସମସ୍ତ ପକ୍ଷ ଦସ୍ତଖତ କରିଛନ୍ତି। ମୁଖ୍ୟମନ୍ତ୍ରୀ କହିଛନ୍ତି ଯେ ସରକାର ସେମାନଙ୍କ ଦାବିକୁ ସମର୍ଥନ କରୁଛନ୍ତି ଏବଂ ଯଥା ଶୀଘ୍ର ଏହାକୁ କାର୍ଯ୍ୟକାରୀ କରାଯିବାର ଉଦ୍ୟମ ହେଉଛି। ଅପରପକ୍ଷରେ ମରାଠା କ୍ରାନ୍ତି ମଞ୍ଚ ପକ୍ଷରୁ ବୁଧବାର ଆୟୋଜିତ ଜେଲ୍ଭରୋ ଆନ୍ଦୋଳନରେ ଗିରଫ କର୍ମୀମାନଙ୍କୁ ପୁଲିସ ଚାଡ଼ିଦେଇଛି।
Popular Categories
Previous article
Next article