ସମାଜ ଡିଜିଟାଲ ଡେସ୍କ: କରୋନା ଭୂତାଣୁ ଆକ୍ରାନ୍ତ ଥାଇ ବି ପ୍ୟାରିସ ଅଲିମ୍ପିକ୍ସରେ ପଦକ ଜିତିଛନ୍ତି ଜଣେ କ୍ରୀଡ଼ାବିତ। କରୋନା ଆଗରେ ହାର ମାନି ନାହାନ୍ତି ଏହି ଖେଳାଳି। ଶେଷରେ ତାଙ୍କ ଦୃଢ଼ ଇଚ୍ଚାଶକ୍ତିର ବିଜୟ ହୋଇଛି। ୨୦୦ ମିଟର ଦୌଡ଼ ପ୍ରତିଯୋଗିତାରେ କାଂସ୍ୟ ପଦକ ହାସଲ କରିଛନ୍ତି ଆମେରିକୀୟ ଆଥଲେଟ୍ ନୋଆ ଲାଇଲ୍ସ। ସେ ଆହୁରି ଦ୍ରୁତ ଦୌଡ଼ିବାକୁ ଚାହୁଁଥିଲେ, କିନ୍ତୁ କରୋନା ତାଙ୍କୁ ଆଗକୁ ବଢ଼ିବାକୁ ଦେଇ ନ ଥିଲା ବୋଲି ଭାବବିହ୍ବଳ ହୋଇ ଗଣମାଧ୍ୟମକୁ କହିଛନ୍ତି ଲାଇଲ୍ସ।
The fastest man in the world was cheated out of a gold medal today.
I don’t blame Noah Lyles for running (and later collapsing) while sick with Covid.
What failed him is the system around him that should have protected him and all the other Olympic athletes.Lyles even wore a… pic.twitter.com/fyFSVhsMxB
— Kashif Pirzada, MD (@KashPrime) August 9, 2024
ଗୁରୁବାର ଏହି ପ୍ରତିଯୋଗିତା ହୋଇଥିଲା। ଲାଇଲ୍ସ ୨୦୦ ମିଟର ଟ୍ରାକକୁ ୧୯.୭ ସେକେଣ୍ଡରେ ଶେଷ କରିଥିଲେ। ବୋଟ୍ସଓ୍ବାନାର ୨୧ ବର୍ଷୀୟ ଧାବକ ଲେଟ୍ସିଲ ଟେବୋଗୋ .୨୪ ସେକେଣ୍ଡ ଆଗୁଆ ରହି ସ୍ଵର୍ଣ୍ଣ ପଦକ ବିଜୟୀ ହୋଇଥିଲେ। ସେହିପରି ଲାଇଲ୍ସଙ୍କ ସାଥୀ କେନ୍ନି ବେଡନାରେକ ୨ୟ ସ୍ଥାନରେ ରହି ରୌପ୍ୟ ପଦକ ବିଜୟୀ ହୋଇଛନ୍ତି। ଲାଇଲ୍ସ ବିଶ୍ଵର ଦ୍ରୁତତମ ଧାବକମାନଙ୍କ ମଧ୍ୟରୁ ଅନ୍ୟତମ। ସେ ଗୋଟିଏ ଅଲିମ୍ପିକ୍ସରେ ୧୦୦ ମିଟର ଏବଂ ୨୦୦ ମିଟର ଦୌଡ଼ି ପ୍ରତିଯୋଗିତାରେ ସ୍ଵର୍ଣ୍ଣ ପଦକ ଜିତି ଉସେନ ବୋଲଟ୍ଙ୍କ ସହିତ ସମକକ୍ଷ ହେବାକୁ ଲକ୍ଷ୍ୟ ରଖିଥିଲେ। ହେଲେ କରୋନା ତାଙ୍କୁ ବାଧା ଦେଇଛି।
