ଖଣ୍ଡଗିରି : ଚନ୍ଦକା ଥାନା ଅନ୍ତର୍ଗତ ଗୋଠପାଟଣାର ଏକ ଆପାର୍ଟମେଣ୍ଟ ଲିଫ୍ଟରୁ ଖସି ଜଣେ ଯୁବକ ଗୁରୁତର ଆହତ ହୋଇଛନ୍ତି। ଆହତ ଯୁବକ ଜଣଙ୍କ ହେଲେ ସ୍ମୃତିରଞ୍ଜନ ଦାସ । ସେ ଜଣେ ଡେଲିଭେରି ବୟ ଭାବେ କାମ କରନ୍ତି।
ସୂଚନା ଅନୁସାରେ ସୋମବାର ସ୍ମୃତି ଗୋଠପାଟଣାରେ ଥିବା ସାଇ ଆଶ୍ରୟ ଆପାର୍ଟମେଣ୍ଟକୁ କିଛି ଜିନିଷ ଡେଲିଭରି ଦେବାକୁ ଯାଇଥିଲେ। ସେ ଜିନିଷ ଦେଇ ଲିଫ୍ଟରେ ଫେରିବା ସମୟରେ କୌଣସି କାରଣରୁ ଲିଫ୍ଟ ଅଚଳ ହୋଇଥିଲା ଓ ସେ ଖସି ପଡ଼ିଥିଲେ। ଫଳରେ ସ୍ମୃତି ଗୁରୁତର ଆହତ ହୋଇଥିବାବେଳେ କିଛି ଲୋକ ତାଙ୍କୁ ଉଦ୍ଧାର କରି ସ୍ଥାନୀୟ ଏକ ଘରୋଇ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରିଥିଲେ । ତାଙ୍କ ଅବସ୍ଥା ଉଦ୍ବେଗଜନକ ଅଛି।
Comments are closed.