ପ୍ୟାରିସ୍: ପୂର୍ବତନ ବିଶ୍ବ ଚମ୍ପିଆନ୍ ଭାରତୀୟ ମହିଳା ତୀରନ୍ଦାଜ ଦୀପିକା କୁମାରୀ ପ୍ରିକ୍ବାର୍ଟରଫାଇନାଲରେ ପ୍ରବେଶ କରିଛନ୍ତି। ପ୍ୟାରିସ୍ ଅଲିମ୍ପିକ୍ସରେ ବୁଧବାର କ୍ରମାଗତ ୨ଟି ବିଜୟ ସହ ଦୀପିକା ମହିଳା ବ୍ୟକ୍ତିଗତ ବିଭାଗରେ ଶେଷ ୧୬ ଜଣଙ୍କ ମଧ୍ୟରେ ପ୍ରବେଶ କରିଛନ୍ତି। ଆଉ ୨ ରାଉଣ୍ଡ ମୁକାବିଲା ଜିତିଲେ ଅଭିଜ୍ଞ ତୀରନ୍ଦାଜ ଦୀପିକା ପଦକ ରାଉଣ୍ଡରେ ପ୍ରବେଶ କରିବେ।
ବୁଧବାର ଦୀପିକାଙ୍କୁ ପ୍ରଥମ ରାଉଣ୍ଡ ଜିତିବା ପାଇଁ କଡ଼ା ମୁକାବିଲା କରିବାକୁ ପଡ଼ିଥିଲା। ବିଶ୍ବ ମାନ୍ୟତାରେ ୧୪ଶ ସ୍ଥାନରେ ଥିବା ଦୀପିକା ୧ମ ମ୍ୟାଚ୍କୁ ଟାଇବ୍ରେକର ଜରିଆରେ ଜିତିଥିଲେ। ଇଷ୍ଟୋନିଆର ରିନା ପର୍ନାତ୍ଙ୍କ ବିପକ୍ଷରେ ଏହି ମ୍ୟାଚ୍ ସଂଘର୍ଷପୂର୍ଣ୍ଣ ହୋଇଥିଲା। ୫ ସେଟ୍ର ମୁକାବିଲା ପରେ ସ୍କୋର୍ ୫-୫ ରହିବାରୁ ଟାଇବ୍ରେକର ହୋଇଥିଲା। ଏଥିରେ ଦୀପିକା ୯ ପଏଣ୍ଟ ସ୍କୋର୍ କରିଥିବା ବେଳେ ରିନା ୮ ପଏଣ୍ଟ ମାରି ପରାସ୍ତ ହୋଇଥିଲେ। ୨ୟ ରାଉଣ୍ଡରେ ନେଦରଲାଣ୍ଡ୍ସର କ୍ବିଣ୍ଟି ରୋଫେନ୍ଙ୍କ ମୁକାବିଲା କରିଥିଲେ ଦୀପିକା। ଏଥିରେ ଦୀପିକା ସହଜରେ ୬-୨ରେ ଜିତିଥିଲେ। ସେଟ୍ ସ୍କୋର୍ ୨-୨ ଥିବା ବେଳେ ଦୀପିକା ୪ ପଏଣ୍ଟ ହାସଲକରି ମ୍ୟାଚ୍ ଜିତି ନେଇଥିଲେ। ୩ୟ ସେଟ୍ରେ ଦୀପିକାଙ୍କ ୨୫ ପଏଣ୍ଟ ଜବାବରେ ରୋଫେନ୍ ମାତ୍ର ୧୭ ପଏଣ୍ଟ ସ୍କୋର୍ କରିବା ନିର୍ଣ୍ଣାୟକ ହୋଇଥିଲା। ତେବେ ପୁରୁଷ ତୀରନ୍ଦାଜୀରେ ଭାରତର ତରୁଣଦୀପ ରାୟ ପରାସ୍ତ ହୋଇଛନ୍ତି। ୫ମ ଅଲିମ୍ପିକ୍ସରେ ଭାଗ ନେଇଥିବା ତରୁଣଦୀପ ରାଉଣ୍ଡ-୩୨ ମ୍ୟାଚରେ ଗ୍ରେଟ ବ୍ରିଟେନର ଟମ୍ ହାଲ୍ଙ୍କ ନିକଟରୁ ୪-୬ ପଏଣ୍ଟରେ ପରାସ୍ତ ହୋଇଛନ୍ତି।
ତୀରନ୍ଦାଜୀ ପ୍ରିକ୍ବାର୍ଟରରେ ଦୀପିକା
Popular Categories
Previous article
Next article