ନୂଆଦିଲ୍ଲୀ : ସାମାଜିକ ଗଣମାଧ୍ୟମ ଉପରେ କଡା ନଜର ରଖିବା ପାଇଁ ସରକାର ଏକ ବଡ ପଦକ୍ଷେପ ପାଇଁ ପ୍ରସ୍ତୁତ ହେଉଛନ୍ତି । ଏଥିପାଇଁ କେନ୍ଦ୍ର ଗୃହ ମନ୍ତ୍ରାଳୟ ଏକ ଓ୍ବିଙ୍ଗ୍ ପ୍ରସ୍ତୁତ କରିଛି ଯାହା ଡିପଫେକ୍ ଏବଂ ଫେକ୍ ନ୍ୟୁଜ୍ ଉପରେ କଡା ନଜର ରଖିବ । ସେହିଭଳି ନିର୍ବାଚନ ସମୟରେ ଫେକ୍ କଣ୍ଟେଣ୍ଟ୍ ଉପରେ ମଧ୍ୟ କଡା କାର୍ଯ୍ୟାନୁଷ୍ଠାନ ନିଆଯିବ । ଫେସବୁକ, ଏକ୍ସ, ଇନଷ୍ଟାଗ୍ରାମ ବା ଅନ୍ୟ କୌଣସି ସାମାଜିକ ଗଣମାଧ୍ୟମ ପ୍ଲାଟଫର୍ମରେ ଯଦି କୌଣସି ବିବାଦୀୟ କଣ୍ଟେଣ୍ଟ୍ ଦେବ ତେବେ ତାକୁ ହଟାଇବା ପାଇଁ ଗୃହ ମନ୍ତ୍ରାଳୟ ନିଜ ସାଇବର ଓ୍ବିଙ୍ଗ୍ ୧୪ସିକୁ କହିଛି ।
ଗୃହ ମନ୍ତ୍ରାଳୟ ସାଇବର ଓ୍ବିଙ୍ଗ୍ (୧୪ସି)କୁ କ୍ଷମତା ଦେଇଛି । ଏଥିପାଇଁ ବିଜ୍ଞପ୍ତି ଜାରି କରାଯାଇଛି । ସାଧାରଣ ନିର୍ବାଚନ ପୂର୍ବରୁ ଗୃହ ମନ୍ତ୍ରାଳୟ ସାଇବର ଓ୍ବିଙ୍ଗ୍ ୧୪ସିକୁ ସ୍ବତନ୍ତ୍ର କ୍ଷମତା ଦେଇଛି । ସାଧାରଣ ନିର୍ବାଚନରେ ଡିପ୍ ଫେକ୍ ଭିଡିଓରୁ ରକ୍ଷା ପାଇବା ପାଇଁ ଏଭଳି ପଦକ୍ଷେପ କେନ୍ଦ୍ର ତରଫରୁ ଉଠାଯାଇଛି । ଏହା ସହିତ ସାମାଜିକ ଗଣମାଧ୍ୟମରେ ଯଦି କିଏ ବିବାଦୀୟ କଣ୍ଟେଟ୍ ଦେବ ତେବେ ତାକୁ ତୁରନ୍ତ ଡିଲିଟ୍ କରାଯିବ ।
