ପଦ୍ମପୁର: ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଚେରେଙ୍ଗାଝାଞ୍ଜ ଗାଁରେ ଅଘଟଣ। ୫ ମାସର ଶିଶୁପୁତ୍ରକୁ କଚାଡି ମାରିଲା ବାପା । ଘରୋଇ କଳହକୁ କେନ୍ଦ୍ର କରି ନିଶାଶକ୍ତ ଅବସ୍ଥାରେ ବାପା ଏଭଳି କାଣ୍ଡ ଘଟାଇଥିବା ଅଭିଯୋଗ ହୋଇଛି। ସୂଚନା ଅନୁଯାୟୀ ଶନିବାର ରାତିରେ ଅଭିଯୁକ୍ତ ହେମନ୍ତ ଭୁଏ ଘରକୁ ଫେରିବା ପରେ ସ୍ତ୍ରୀ ଟଙ୍କା ନଦେବାରୁ ଗାଳି ଗୁଲଜ କରିଥିଲେ। ଏହା ପରେ ଦୁହିଁଙ୍କ ମଧ୍ୟରେ ବଚସା ହୋଇଥିଲା। ଝଗଡା ଏତେ ଉଗ୍ର ରୂପ ନେଇଥିଲା ଯେ ହେମନ୍ତ ଉତ୍ତ୍ୟକ୍ତ ହୋଇ ନିଜ ୫ ମାସର ଶିଶୁପୁତ୍ରକୁ ତଳେ କଚାଡି ଦେଇଥିଲା। ଫଳରେ ଘଟଣାସ୍ଥଳରେ ହିଁ ଶିଶୁପୁତ୍ରଟିର ମୃତ୍ୟୁ ଘଟିଥିଲା। ପରେ ସ୍ଥାନୀୟ ଲୋକ ଏ ନେଇ ପୁଲିସକୁ ଖବର ଦେଇଥିଲେ। ପୁଲିସ୍ ଘଟଣାସ୍ଥଳରେ ପହଞ୍ଚି ହେମନ୍ତ ଭୁଏଙ୍କୁ ଥାନାରେ ଅଟକ ରଖିବା ସହିତ ଘଟଣାର ତଦନ୍ତ କରୁଛି।
Comments are closed.