ଜଗତସିଂହପୁର: ଜଗତସିଂହପୁର ଜିଲା ବାଲିକୁଦା ଥାନା ସିଙ୍ଗିରି ଗ୍ରାମରେ ପୋଖରୀରେ ବୁଡି ଦୁଇ ଜଣଙ୍କର ମୃତ୍ୟୁ ହୋଇ ଯାଇଛି। ମୃତକ ହେଲେ ସିଙ୍ଗିରି ଗ୍ରାମର ଓମ ବିଶ୍ୱାଳ (୧୦) ଓ ଆର୍ଯ୍ୟସୁମନ ରାଉତ (୮)। ମୃତକ ଦ୍ବୟ ପୋଖରୀରେ ଗାଧୋଉଥିବା ବେଳେ ବୁଡି ଯାଇଥିଲେ। ବହୁ ସମୟ ଖୋଜାଖୋଜି କରିବା ପରେ ପୋଖରୀରେ ଭାସୁଥିବାର ଦେଖି ଲୋକମାନେ ସେମାନଙ୍କୁ ଉଦ୍ଧାର କରିଥିଲେ। ସେମାନଙ୍କୁ ଉଦ୍ଧାର କରି ଜଗତସିଂହପୁର ମେଡିକାଲ ଆଣିଥିଲେ। ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ଓମ ସ୍ଥାନୀୟ ସିଙ୍ଗିରି ଉଚ୍ଚ ପ୍ରାଥମିକ ବିଦ୍ୟାଳୟରେ ୫ମ ଶ୍ରେଣୀରେ ପଢ଼ୁଥିବା ବେଳେ ଆର୍ଯ୍ୟସୂମନ ୩ୟ ଶ୍ରେଣୀରେ ପଢ଼ନ୍ତି ।
