ପିକ୍‌ନିକ୍‌ ନେଲା ପ୍ରାଣ, ଦଶପଲ୍ଲାରେ ଦୁର୍ଘଟଣା ଜଣେ ମୃତ,୫ ଗୁରୁତର

ଭୁବନେଶ୍ୱର- ଦଶପଲ୍ଲାରେ ଏକ ସଡକ ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ୫ ଜଣ ଗୁରୁତର ହୋଇଥିବା ସୂଚନା ମିଳିଛି । ଏକ ଟ୍ରଲରକୁ ପଛପଟୁ ଭ୍ୟାନ ଧକ୍କା ଦେଇଥିବା ପ୍ରାଥମିକ ସୂଚନା ମିଳିଛି ।

ନୟାଗଡ ଜିଲ୍ଲା ଦଶପଲ୍ଲା ଟାକେରା ନିକଟରେ ଛିଡା ହୋଇଥିବା ଟ୍ରଲରକୁ ଏକ ଭ୍ୟାନ ପଛ ପାଖରୁ ପିଟିଥିଲା । ଦାରିଙ୍ଗିବାଡିରୁ ପିକିନିକ୍‌ ସାରି କଟକ ଆଠଗଡ ଅଞ୍ଚଳକୁ ଭ୍ୟାନ ଟି ଯାଉଥିବା ସୂଚନା ମିଳିଛି । ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ୫ ଜଣ ଗୁରୁତରଙ୍କୁ ନୟାଗଡ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି ।

#samaja #Latest_Odisha_News, #LiveUpdates , #National_News_In_Odia, #WeatherUpdates