ଭୁବନେଶ୍ବର: କଟକ ଦୁର୍ଗା ପୂଜା ପାଇଁ କମିଶନରେଟ ପୁଲିସ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି। କଟକରେ ବିଭିନ୍ନ ଦୁର୍ଗା ପୂଜା କମିଟିଗୁଡ଼ିକ ପକ୍ଷରୁ ସୁନା, ଚାନ୍ଦି ସମେତ ବିଭିନ୍ନ ଆକର୍ଷଣୀୟ ମେଢ଼ ପ୍ରସ୍ତୁତ ହୋଇଛି। କରୋନା କଟକଣା ପରେ କଟକ ଦୁର୍ଗା ପୂଜା ଦେଖିବା ପାଇଁ ପ୍ରବଳ ଜନ ସମାଗମ ହେବାର ସମ୍ଭାବନା ରହିଛି। ତେଣୁ ଦୁର୍ଗାପୂଜା ପାଇଁ କଟକ ସହରରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି। ଶାନ୍ତିଶୃଙ୍ଖଳା ସହ ଦର୍ଶନ ଉପରେ ଗୁରୁତ୍ବ ଦିଆଯାଇଥିବାବେଳେ ଅସାମାଜିକ ବ୍ୟକ୍ତିଙ୍କ କାର୍ଯ୍ୟକଳାପ ଉପରେ ନଜର ରଖାଯାଇଛି। ସହରରେ ଶାନ୍ତିଶୃଙ୍ଖଳା ରକ୍ଷା ପାଇଁ ୫୫ପ୍ଲାଟୁନ ପୁଲିସ ଫୋର୍ସ ସହ ୫୫ ଆଣ୍ଟି ସ୍କ୍ବାଡ ୟୁନିଟ ମୁତୟନ କରାଯାଇଛି। ୪୦ଜଣ ଏସିପି ରାଙ୍କ ଅଫିସର ସମେତ ରୁଫ ଟପ ସିକ୍ୟୁରିଟି ମୁତୟନ କରାଯିବା ନେଇ ପଦକ୍ଷେପ ଗ୍ରହଣ କରାଯାଇଛି। ସୁନା ଓ ଚାନ୍ଦି ମେଢ଼ ହୋଇଥିବା ମଣ୍ଡପ ପାଇଁ ସ୍ବତନ୍ତ୍ର ବ୍ୟବସ୍ଥା ହୋଇଛି। ଦଶହରା ପାଇଁ ୩୧ ଏଡ ପୋଷ୍ଟ ଏବଂ ଭସାଣି ନିମନ୍ତେ ୧୪ ଏଡ ପୋଷ୍ଟ ରହିବ ବୋଲି ସୂଚନା ଦିଆଯାଇଛି।
Popular Categories
Previous article
Next article