କଟକ: କଟକରେ ବୁଧବାର ଚାଉଳିଆଗଞ୍ଜର ପ୍ରସିଦ୍ଧ ଖୁଦୁରୁକୁଣୀ ମେଳଣ ଶେଷ ହୋଇଛି । ୧୭ଟି ପୂଜା ମଣ୍ଡପରେ ମା’ଙ୍କ ପୂଜାର୍ଚ୍ଚନା କରାଯିବା ସହ ଭସାଣି ଉତ୍ସବ ଜାକଜମକରେ ପାଳନ କରାଯାଇଛି। ଅପରାହ୍ନ ସୁଦ୍ଧା ସମସ୍ତ ମେଢ଼ ଚାଉଳିଆଗଞ୍ଜ ଖେଳ ପଡ଼ିଆରେ ଏକାଠି ହେବା ପରେ ନମ୍ବର ଅନୁଯାୟୀ ଭସାଣି ଶୋଭାଯାତ୍ରାରେ ସାମିଲ ହୋଇଥିଲେ। ଚାଉଳିଆଗଞ୍ଜ ଖେଳ ପଡ଼ିଆରୁ ମେଢ଼ ବାହାରି ମଠ ସାହି, ସାହି ଛକ, ଥଟାରି ସାହି, ଗାନ୍ଧୀ ଛକ, ନୀଳାଦ୍ରୀ ବିହାର, କୈବଲ୍ୟବିହାର, ଅପର୍ଣ୍ଣାନଗର ମୁଖ୍ୟରାସ୍ତା, ଦୂର୍ଗାଛକ, ତଳସାହିରେ ପହଞ୍ଚିଥିଲା। ଏହାମଧ୍ୟରେ ସମସ୍ତ ମେଢ଼ ପକ୍ଷରୁ ରଙ୍କ ବେରଙ୍ଗ ଆଲୋକ ସଜା ସହ ଭସାଣି ଶୋଭାଯାତ୍ରା ପାଇଁ ବ୍ରହ୍ମପୁର ବାଜା, ଜଗତସିଂହପୁର ଘଣ୍ଟ ବାଦ୍ୟ, ଯାଜପୁର ଶଙ୍ଖ ମୁଖ୍ୟ ଆକର୍ଷଣ ଥିଲା । ଅନ୍ୟପଟେ ଶାନ୍ତିଶୃଙ୍ଖଳାରେ ଭସାଣି ଉତ୍ସବ ଶେଷ କରିବା ପାଇଁ ପୁଲିସ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଥିଲା।
Comments are closed.