କଟକ : କଟକ ଜିଲ୍ଲା ନିଶ୍ଚିନ୍ତକୋଇଲି ଥାନା ଅସୁରେଶ୍ବର ବଜାର ନିକଟରୁ ଜଣେ ବ୍ୟବସାୟୀଙ୍କ ବାଇକ୍ ଡିକି ଭାଙ୍ଗି ଗତକାଲି ରାତି ୯ ଟାରେ ୪୦ ଲକ୍ଷରୁ ଉର୍ଦ୍ଧ୍ବ ଟଙ୍କାର ସୁନା ଅଳଙ୍କାର ଦୁର୍ବୁତ୍ତ ଲୁଟ୍ କରିଛନ୍ତି ବୋଲି ଅଭିଯୋଗ ହୋଇଛି। କୁଳଗାଁଇଶାଳୋର ସୁନା ଦୋକାନୀ ଦୀପକ ମଣ୍ଡଳ ଦୋକାନ ବନ୍ଦ କରି ବାଇକ ଡିକିରେ ୮୦୦ ଗ୍ରାମରୁ ଉର୍ଦ୍ଧ୍ବ ସୁନା ଅଳଙ୍କାର ଏକ ଜରି ବ୍ୟାଗରେ ଗାଡି ଡ଼ିକିରେ ଘରକୁ ଫେରୁଥିବା ବେଳେ ଅସୁରେଶ୍ବର ବଜାରରେ ଜଣଙ୍କ ଘରକୁ ନିଜର ବାକି ଥିବା କିଛି ଟଙ୍କା ଆଣିବାକୁ ଯାଇଥିଲେ, ତେବେ ତାଙ୍କୁ ପଛରୁ ପିଛା କରୁଥିବା ୨ ଜଣ ଦୁର୍ବୃତ୍ତ ଏକ ପଲସର ବାଇକରେ ଆସି ସୁନା ଦୋକାନୀଙ୍କ ବାଇକ୍ ଡିକି ଭାଙ୍ଗି ସବୁ ସୁନା ଅଳଙ୍କାର ନେଇ ଫେରାର ହୋଇ ଯାଇଛନ୍ତି। ଯାହାର ଆନୁମାନିକ ମୂଲ୍ୟ ୪୦ ଲକ୍ଷ ଟଙ୍କାରୁ ଉର୍ଦ୍ଧ୍ବ ହେବ ବୋଲି ଜଣାପଡିଛି। ଖବର ପାଇ ଘଟଣା ସ୍ଥଳରେ ନିଶ୍ଚିନ୍ତକୋଇଲି ଓ ନେମାଳ ପୁଲିସ ପହଞ୍ଚି ଲୁଟ ଘଟଣାର ତଦନ୍ତ ଆରମ୍ଭ କରିଛନ୍ତି।
ସନ୍ଧ୍ୟା ହେଲେ ନିଶ୍ଚନ୍ତକୋଇଲି, ମାହାଙ୍ଗା, ନେମାଳ ସାଲେପୁର ଆଦି ଅଂଚଳରେ ଲୁଟେରା ମାନେ ଖୋଲାଖୋଲି ବୁଲୁଥିବା ବେଳେ ଏହି ଅଂଚଳରେ ବାରମ୍ବାର ଲୁଟ ରାହାଜାନି ଘଟୁଛି। ପୁଲିସର ଆଶାନୁରୂପକ ପାଟ୍ରୋଲିଂ ହେଉନଥିବା ନେଇ ସାଧାରଣରେ ଅଭିଯୋଗ ହୋଇଛି।
Comments are closed.