ମିଳିତ ଜାତିସଂଘ ସୁରକ୍ଷା ପରିଷଦରେ ଭାରତ ଉଠାଇଲା ସୀମାପାର ଆତଙ୍କବାଦ ପ୍ରସଙ୍ଗ
ଆତଙ୍କବାଦ ସବୁ ଦେଶ ପାଇଁ ବିପଦ, ସବୁ ଦେଶ ଓ ସବୁ କ୍ଷେତ୍ରରେ ବଢ଼ୁଛି ସଙ୍କଟ
ମିଳିତ ଜାତିସଂଘ ସୁରକ୍ଷା ପରିଷଦରେ ଉଚ୍ଚସ୍ତରୀୟ ମୁକ୍ତ ଆଲୋଚନାରେ ପାକିସ୍ଥାନର ମୁହଁ ବନ୍ଦ କରିଛି ଭାରତ । ଭାରତ ପକ୍ଷରୁ କୁହାଯାଇଛି ଯେ ସୀମା ଆରପଟେ ପ୍ରାୟୋଜିତ ଆତଙ୍କବାଦ ଚାଲିଛି । ସଙ୍ଗଠିତ ଅପରାଧ ଓ ଆତଙ୍କବାଦରେ ଭାରତ ପୀଡ଼ିତ ହୋଇଛି । ତେଣୁ ସବୁ ଦେଶ ଏ କ୍ଷେତ୍ରରେ ସତର୍କ ରହିବା ଆବଶ୍ୟକ ଓ ଆତଙ୍କବାଦର ବିଲୋପ ନିମନ୍ତେ ପଦକ୍ଷେପ ଗ୍ରହଣ ଜରୁରୀ ।
ଭାରତ କହିଛି ଯେ ଏକ ସଙ୍ଗଠିତ ଅପରାଧ ସିଣ୍ଡିକେଟ୍ ‘‘ଡ଼ି-କମ୍ପାନୀ’ ଯାହା ସୁନା ଆଉ ଜାଲ ଟଙ୍କାର ତସ୍କରୀ କରିଥାଏ ତାହା ରାତାରାତି ଆତଙ୍କବାଦୀ ସଙ୍ଗଠନରେ ପରିଣତ ହୋଇଛି । ୧୯୯୩ ମସିହାରେ ସିଲସିଲେବାର ବମ ବିସ୍ଫୋରଣରେ ୨୫୦ରୁ ଅଧିକ ନିର୍ଦେଶ ଲୋକଙ୍କ ଜୀବନ ଯାଇଛି । ପଡ଼ୋଶୀ ଦେଶ ଏହି ଆତଙ୍କବାଦୀମାନଙ୍କୁ ପ୍ରୋତ୍ସାହିତ କରୁଛି, ଶରଣ ଦେଇଛି ।
India has been a victim of terrorism sponsored from across our border. We experienced first-hand cruel linkage between transnational organized crime and terrorism: India at High-Level Open Debate of the UN Security Council
— ANI (@ANI) August 7, 2020
ଆମ ଦେଶରେ ବିସ୍ଫୋରଣ ଘଟାଇଥିବା ଅଭିଯୁକ୍ତକୁ ଆମର ପଡ଼ୋଶୀ ଦେଶ ଶରଣ ଦେଇଛି । ମିଳିତ ଜାତିସଂଘ ଦ୍ବାରା ବେଆଇନ ଘୋଷିତ ଆତଙ୍କବାଦୀ ସଙ୍ଗଠନ ଓ ଆତଙ୍କବାଦୀଙ୍କୁ ଆଶ୍ରୟ ଦେବା ସହ ବେଆଇନ ଅସ୍ତ୍ରଶସ୍ତ୍ର ଓ ନିଶା ସାମଗ୍ରୀ ବ୍ୟବସାୟର କେନ୍ଦ୍ର ପାଲଟିଛି । ଏହି ମୁକ୍ତ ବିତର୍କ ସମୟରେ ଭାରତ ମଧ୍ୟ ଏ କଥା କହିଛି ଯେ ମିଳିତ ଜାତିସଂଘର ଅର୍ଥନୈତିକ ଟାସ୍କ ଫୋର୍ସ (ଏଫଏଟିଏଫ୍) ଏହାପ୍ରତି ଯତ୍ନବାନ ହେବାର ଆବଶ୍ୟକତା ରହିଛି । ଏ ସଙ୍ଗଠନ ମନି ଲଣ୍ଡରିଂ ଓ ଆତଙ୍କବାଦ ରୋକିବା ଓ ଏହାକୁ ମୁକାବିଲା କରିବା ପାଇଁ ବୈଶ୍ଵିକ ମାନକ ସ୍ଥାପନ କରିବାର ଆବଶ୍ୟକତା ରହିଛି ।
ଏହି ଆଲୋଚନା ବେଳେ ଭାରତ ପକ୍ଷରୁ ଆତଙ୍କବାଦକୁ ମାନବ ସମାଜ ପ୍ରତି ସବୁଠୁ ବଡ଼ ବିପଦ ବୋଲି କୁହାଯାଇଛି । ବର୍ତମାନ ସମୟରେ ପ୍ରତ୍ୟେକ ଦେଶ ନିମନ୍ତେ ଆତଙ୍କବାଦ ବଡ଼ ସମସ୍ୟା ଭାବରେ ଉଭା ହୋଇଛି । ଭାରତ ଆତଙ୍କବାଦର କଠୋର ନିନ୍ଦା କରୁଛି । କୌଣସି ସ୍ବରୂପରେ ଆତଙ୍କବାଦ ଗ୍ରହଣୀୟ ନୁହେଁ ଏବଂ ଏହାକୁ ମୂଳୋତ୍ପାଟନ ଆବଶ୍ୟକ । ଏହାର କାରଣ କୁଣ୍ଡା ବସ୍ତା ମଧ୍ୟରୁ ଛୁଞ୍ଚି ଖୋଜିବା ସମାନ ବୋଲି ଭାରତ ମତ ଦେଇଛି ।
