ବ୍ରହ୍ମପୁର: ଗଞ୍ଜାମ ଜିଲା ବ୍ରହ୍ମପୁର ଉପକଣ୍ଠ ଶୀତଲାପଲ୍ଲୀରେ ଶୁକ୍ରବାର ଏକ ୨୦୦ ଶଯ୍ୟା ବିଶିଷ୍ଟ କୋଭିଡ-୧୯ ହସ୍ପିଟାଲର ଶୁଭାରମ୍ଭ ହୋଇଛି। ରାଜ୍ୟ ସରକାରଙ୍କ ପକ୍ଷରୁ ଟାଟା ଷ୍ଟିଲ ସହଯୋଗରେ ଚାଲିବାକୁ ଥିବା ଏହି ହସ୍ପିଟାଲରେ କେବଳ କରୋନା ରୋଗୀଙ୍କୁ ଚିକିତ୍ସା କରାଯିବ । ଏଠାରେ ୧୫ ଟି ଭେଣ୍ଟିଲେଟର ବିଶିଷ୍ଟ ଆଇସିୟୁ ଶଯ୍ୟା, ୪୦ଟି ଆଇସଲେସନ ଶଯ୍ୟା, ୧୨୦ଟି ସାଧାରଣ ଶଯ୍ୟା ରହିଛି। ହସ୍ପିଟାଲ ଚାଲୁ କରିବାକୁ ସ୍ୱତନ୍ତ୍ର ପାରାମେଡିକାଲ କର୍ମଚାରୀ ନିଯୁକ୍ତ କରାଯାଇଥିବା ବେଳେ ଏମକେସିଜି ମେଡିକାଲ କଲେଜର ଡାକ୍ତରଙ୍କୁ ନିୟୋଜିତ କରାଯାଇଛି । ଆଜି ଗଞ୍ଜାମ ଜିଲାପାଳ ବିଜୟ ଅମୃତ କୁଲାଙ୍ଗେ, ବ୍ରହ୍ମପୁର ମହାନଗର ନିଗମ କମିଶନର ଚକ୍ରବର୍ତ୍ତୀ ସିଂ ରାଠୋର, ଏମକେସିଜି ମେଡିକାଲ ଅଧୀକ୍ଷକ ପ୍ରଫେସର ସନ୍ତୋଷ ମିଶ୍ରଙ୍କ ଉପସ୍ଥିତରେ ଜନସାଧାରଣଙ୍କ ପାଇଁ ଏହାକୁ ଉତ୍ସର୍ଗ କରାଯାଇଥିଲା ।
Comments are closed.