ନୂଆଦିଲ୍ଲୀ : ଭାରତରେ କରୋନା ଭୂତାଣୁ ସଂକ୍ରମିତଙ୍କୁ ମ୍ୟାଲେରିଆ ପ୍ରତିରୋଧକ ଔଷଧ ହାଇଡ୍ରୋକ୍ସକ୍ଲୋରୋକୁଇନ ଦେବା ଲାଗି ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ (ଆଇସିଏମ୍ଆର) ଅନୁମୋଦନ କରିଛି। ଅତି ଜଟିଳ ସଂକ୍ରମିତଙ୍କ କ୍ଷେତ୍ରରେ ରୋଗୀଙ୍କୁ ଏହି ଔଷଧ ଦିଆଯିବ। କୋଭିଡ-୧୯ର ଚିକିତ୍ସା ଲାଗି କ୍ଲୋରୋକୁଇନ ଉପଯୁକ୍ତ କି ନାହିଁ ତା’ ଉପରେ ବିଶ୍ବସ୍ତରରେ ଚର୍ଚ୍ଚା ଚାଲିଥିବାବେଳେ ଆଇସିଏମଆର୍ ଏହାକୁ ଅନୁମୋଦନ କରିଛି। କ୍ଲୋରୋକୁଇନ ସହିତ ଏଚଆଇଭି ପ୍ରତିଷେଧକ ଔଷଧ ଦେବା ଲାଗି ମଧ୍ୟ ଚର୍ଚ୍ଚା ହୋଇଛି। ତେବେ ଫ୍ରାନ୍ସର ଏକ ଅଧ୍ୟୟନରୁ ଜଣାଯାଇଛି ହାଇଡ୍ରୋକ୍ସି-କ୍ଲୋରୋକୁଇନକୁ କରୋନା ସଂକ୍ରମଣର ପ୍ରତିରୋଧ ଲାଗି ଆଣ୍ଟିବାୟୋଟିକ୍ ଭାବେ ବ୍ୟବହାର କରାଯାଇପାରିବ। ହାଇଡ୍ରୋକ୍ସି-କ୍ଲୋରୋକୁଇନ୍କୁ ଅନୁମୋଦନ ସମ୍ପର୍କରେ ଆଇସିଏମଆର ମହାନିର୍ଦେଶକ ଡାକ୍ତର ବଳରାମ ଭାର୍ଗବ ରବିବାର ନୋଟିସ ଜାରି କରିଛନ୍ତି। ଅନୁମୋଦନ ଅନୁଯାୟୀ ରୋଗୀକୁ ଦୈନିକ ୪୦୦ ମିଲିଗ୍ରାମର କ୍ଲୋରୋକୁଇନ ଦିନକୁ ଦୁଇଥର ଖାଦ୍ୟ ପରେ ଖାଇବାକୁ ଦିଆଯିବ। ତେବେ ୧୫ବର୍ଷରୁ କମ୍ ବୟସର ପିଲାଙ୍କୁ ଏହା ଦିଆଯିବ ନାହିଁ। ତେବେ ଡାକ୍ତରଙ୍କ ଅନୁମୋଦନକ୍ରମେ ଏହି ଔଷଧ ଖାଇବା ଲାଗି କୁହାଯାଇଛି।
Comments are closed.