ନୂଆଦିଲ୍ଲୀ : ଦେଶରେ ୨୪ ଘଣ୍ଟାରେ ୯ ହଜାର ୩୫୫ ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହାସହ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ହ୍ରାସ ପାଇ ୫୭,୪୧୦ରେ ପହଞ୍ଚିଛି। ଗତକାଲି ୯,୬୨୯ ଆକ୍ରାନ୍ତ ଚିହ୍ନଟ ହୋଇଥିଲେ। ଗତ ୨୪ ଘଣ୍ଟାରେ ୨୬ ଜଣଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି। ମୋଟ କରୋନା ଜନିତ ମୃତ୍ୟୁ ସଂଖ୍ୟା ୫ ଲକ୍ଷ ୩୧ ହଜାର ୪୨୪ରେ ପହଞ୍ଚିଛି। ସେହିପରି ଦେଶରେ ମୋଟ ୪.୪୯ କୋଟି କରୋନା ମାମଲା ରେକର୍ଡ କରାଯାଇଛି। ଏଯାଏଁ ୪ କୋଟି ୪୩ ଲକ୍ଷ ୩୫ ହଜାର ୯୭୭ ଲୋକେ ସୁସ୍ଥ ହୋଇ ଘରକୁ ଫେରିଛନ୍ତି। ଦୈନିକ ସଂକ୍ରମଣ ହାର ୪.୦୮ ପ୍ରତିଶତ ରେକର୍ଡ କରାଯାଇଛି। ସାପ୍ତାହିକ ସଂକ୍ରମଣ ହାର ୫.୩୬ ପ୍ରତିଶତ ରହିଥିବା ବେଳେ ସକ୍ରିୟ ଆକ୍ରାନ୍ତ ୦.୧୩ ପ୍ରତିଶତ ରହିଛି। ଆରୋଗ୍ୟ ହାର ୯୮.୬୯ ପ୍ରତିଶତ ରହିଛି। ମୃତ୍ୟୁ ହାର ୧.୧୮ ପ୍ରତିଶତ ରେକର୍ଡ କରାଯାଇଛି। ଦେଶରେ ଏଯାଏଁ ମୋଟ ୨୨୦.୬୬ କୋଟିରୁ ଅଧିକ ଲୋକେ କରୋନା ଟିକା ନେଇ ସାରିଛନ୍ତି।
Comments are closed.