ତିନି ଦିବଂଗତଙ୍କୁ ଶ୍ରଦ୍ଧାଞ୍ଜଳି ଦେଲେ ସହପାଠୀ
![](https://samajalive.in/wp-content/uploads/2022/04/condolence-for-classmets-750x430.jpg)
ରେଙ୍ଗାଲିକ୍ୟାମ୍ପ : ଅତାବିରା ବାର୍ କାଉନସିଲ କାର୍ଯ୍ୟାଳୟ ଠାରେ ସୋମବାର ବଳରାମ ସାହୁଙ୍କ ଅଧ୍ୟକ୍ଷତାରେ ଏକ ଶ୍ରଦ୍ଧାଞ୍ଜଳୀ ସଭା ଅନୁଷ୍ଠିତ ହୋଇ ଯାଇଛି । ୧୯୮୩ ମସିହାରେ ଅତାବିରା ଉଚ୍ଚ ବିଦ୍ୟାଳୟରେ ପଢୁଥିବା ମାଟ୍ରିକ ବ୍ୟାଚ ଛାତ୍ର ମାନଙ୍କ ମଧ୍ୟରୁ ଶ୍ୟାମଲାଲ ସ୍ୱାଇଁ, ସୁବାସ ପଧାନ ଓ ରାକେଶ ପାଢ଼ୀ ଚିର ବିଦାୟ ନେଇଛନ୍ତି। ସେମାନଙ୍କ ଆତ୍ମାର ସଦଗତି କାମନା କରି ତଥା ତାଙ୍କ ବ୍ୟାଚର ସହପାଠୀ ସାଥୀ ମାନେ ଆଜି ଅଶ୍ରୁଳ ଶ୍ରଦ୍ଧାଞ୍ଜଳୀ ଜ୍ଞାପନ କରିଛନ୍ତି । ଏହି ଶ୍ରଦ୍ଧାଞ୍ଜଳି ସଭାରେ ଉପସ୍ଥିତ ସମସ୍ତେ ସେହି ସାଥୀ ମାନଙ୍କ ସ୍ମୃତି ଚାରଣ କରି ଦୁଃଖରେ ଭାଙ୍ଗି ପଡ଼ିଥିଲେ। ସେମାନଙ୍କ ସେଇ ଅଭୁଲା ଛାତ୍ର ଜୀବନର ସ୍ମୃତି ପୁଣି ଥରେ ମାନସ ପଟରେ ଆଙ୍କି ହୋଇଯାଇଥିଲା ,ଯେଉଁ ସ୍ମୃତିରେ ରହିଥିଲା ସେଇ ଦିବଂଗତ ଆତ୍ମା ମାନଙ୍କର ବୟସର ଚଞ୍ଚଳତା ଆଉ ସାଙ୍ଗ ସାଥିଙ୍କ ପ୍ରତିଁ ନିବିଡତାର କିଛି ଅନ୍ତରଙ୍ଗ ମୁହୂର୍ତ୍ତ । ଏହି ଶ୍ରଦ୍ଧାଞ୍ଜଳି ସଭାରେ ରାଜ କୁମାର ବାଙ୍କା, ରାମ ଚନ୍ଦ୍ର ପଧାନ, ସୁବଳ ଗଡତିଆ, କାଶ୍ୱୀଶ୍ୱର୍ ବେହେରା, ଅଶୋକ ପଣ୍ଡା-୧, ଅଶୋକ ପଣ୍ଡା-୨, କେଟିପି ରାଜୁ, ରାହାସ ସାହୁ, ଧ୍ରୁବ ଚରଣ ସ୍ୱାଇଁ, ଲଳିତ ବାଗ, ଭରତ ପ୍ରଧାନ, ସନ୍ତୋଷ ଭୁଏ, ନରସିଂହ ଗୁପ୍ତା, ଲିଙ୍ଗରାଜ ପାତର, ମହେନ୍ଦ୍ର ପ୍ରଧାନ ପ୍ରମୁଖ ଉପସ୍ଥିତ ରହି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
Comments are closed.