ପାତ୍ରପୁର-ପାତ୍ରପୁର ବ୍ଳକ ଖରଣିପଡା ପଞ୍ଚାୟତ କୋଳିହଳା ଗ୍ରାମରେ ହନୁ ଆକ୍ରମଣରେ ତିନିଜଣ ମହିଳାଙ୍କ ସମେତ ଚାରି ଜଣ ଆହତ ହୋଇଛନ୍ତି। ଏହାପରେ ଗ୍ରାମବାସୀ ଭୟଭୀତ ହୋଇ ପଡିଛନ୍ତି। ତିନିଦିନ ତଳେ ଗ୍ରାମର ରିନୁ ପ୍ରଧାନ, ନିରୁପମା ପ୍ରଧାନଙ୍କୁ ହନୁ ମାଙ୍କଡ ଆକ୍ରମଣ କରିଥିବା ବେଳେ ରବିବାର ଅପରାହ୍ନରେ ଗେଲି ବେହେରା ନିଜ ଘର ବାଡିରେ ବାସନ ମାଜୁ ଥିବା ବେଳେ ଦୁଇରୁ ତିନି ଗୋଟି ହନୁ ତାଙ୍କୁ ଆକ୍ରମଣ କରିଥିଲେ। ଗୋଡ଼ ଓ ଜଙ୍ଘ କୁ କାମୁଡି ଦେଇଥିଲେ ।
ତାଙ୍କ ପାଟି ଶୁଣି ଲୋକମାନେ ପହଂଚିବା ପରେ ହନୁ ତାଙ୍କୁ ଛାଡି ଚାଲି ଯାଇଥିଲେ। ପରିବାର ଲୋକେ ଚିକିଟି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ନେଇ ଚିକିତ୍ସା କରାଇଥିଲେ। ଗ୍ରାମବାସୀଙ୍କ କହିବା ଅନୁସାରେ, ଗତ କିଛି ଦିନ ହେବ ହନୁ ଦଳରେ ଥିବା ଦୁଇ ରୁ ଚାରି ହନୁ ପାଗଳ ହୋଇ ଯାଇଥିବା ଆଶଙ୍କା ସୃଷ୍ଟିହୋଇଛି । କିଛି ଲୋକଙ୍କ ଘର ଭିତରେ ପଶି ଆକ୍ରମଣ କରୁଥିବା ପ୍ରକାଶ କରିଛନ୍ତି । ବନ ବିଭାଗ ଏଥିପ୍ରତି ଦୃଷ୍ଟି ଦେବାସହ ଗ୍ରାମ ରେ ଥିବା ଆକ୍ରମଣ କରୁଥିବା ହନୁମାଙ୍କଡଙ୍କୁ କାବୁ କରିବା ପାଇଁ ଦାବି କରିଛନ୍ତି ।
Comments are closed.