ଟୋକିଓ: ଟୋକିଓ ଅଲିମ୍ପିକ୍ସରେ ଭାରତୀୟ ମହିଳା ହକି ଦଳ ଗ୍ରେଟ୍ ବ୍ରିଟେନ ନିକଟରୁ ପରାଜିତ ହେବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡ଼ିଓ କଲ୍ ଯୋଗେ ଖେଳାଳିଙ୍କ ସହିତ କଥା ହୋଇ ଦଳକୁ ଶୁଭେଚ୍ଛା ଜଣାଇବା ସହିତ ପରାଜିତ ହୋଇଥିଲେ ସୁଦ୍ଧା ମନୋବଳ ଦୃଢ କରିବାକୁ କହିଛନ୍ତି। ମ୍ୟାଚ୍ ହାରିବି ଆପଣମାନେ ହୃଦୟ ଜିତିଲେ ବୋଲି ନବୀନ ଟ୍ବିଟ୍ କରିଛନ୍ତି।
ଦଳର ଦୁଇ ଓଡ଼ିଆ ଖେଳାଳି ତଥା ଉପ ଅଧିନାୟିକା ଡିଫେଣ୍ଡର ଦୀପ୍ଗ୍ରେସ ଏକ୍କା ଓ ନମିତା ଟପ୍ପୋଙ୍କୁ ମଧ୍ୟ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ପ୍ରଶଂସା କରିଛନ୍ତି। ଗ୍ରେଟ୍ ବ୍ରିଟେନ ସହିତ ଏକ ଲଢୁଆ ପ୍ରଦର୍ଶନ କରିଥିବାରୁ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ଟ୍ବିଟ୍ କରି ‘ଆଗକୁ ମଧ୍ୟ ଏମିତି ଲଢେଇ ଜାରି ରଖିବାକୁ ପରାମର୍ଶ ଦେଇ ଭବିଷ୍ୟତ ପାଇଁ ଶୁଭକାମନା ଜଣାଇଛନ୍ତି। ଏହି ଅବସରରେ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ମହିଳା ଦଳକୁ ଓଡ଼ିଶା ଆସିବାକୁ ନିମନ୍ତ୍ରଣ କରିଛନ୍ତି। ଓଡ଼ିଶା ସରକାରଙ୍କ ପକ୍ଷରୁ ଉଭୟ ପୁରୁଷଙ୍କୁ ଆସନ୍ତା ୧୬ ତାରିଖରେ ଓ ମହିଳା ଦଳକୁ ଭୁବନେଶ୍ବରରେ ୧୭ରେ ସମ୍ବର୍ଦ୍ଧିତ କରାଯିବ।
