କଲକାତା: ଶନିବାର ୭ମ ପର୍ଯ୍ୟାୟ ମତଦାନ ସମୟରେ ପଶ୍ଚିମବଙ୍ଗରେ ହିଂସା ସୃଷ୍ଟି ହୋଇଛି। ଯାଦବପୁର ଲୋକସଭା ଆସନ ଅନ୍ତର୍ଗତ ଭାଙ୍ଗରର ସତୁଲିୟା ଅଞ୍ଚଳରେ ଏକ ବୁଥ ନିକଟରେ ବୋମାମାଡ଼ ହୋଇଛି। ଟିଏମସି କର୍ମୀମାନେ ଏହି ବୋମାମାଡ଼ କରିଥିବା ସୂଚନା ମିଳିଛି। ଏଥିରେ ସିପିଏମ ଏବଂ ଆଇଏସଏଫର ଅନେକ କର୍ମୀ ଆହତ ହୋଇଥିବା ସୂଚନା ମିଳିଛି।
ବୋମାମାଡ଼ ପରେ ବୁଥ ପରିସରରେ ତୀବ୍ର ଉତ୍ତେଜନା ପ୍ରକାଶ ପାଇଥିଲା। ଟିଏମସି ଏବଂ ଅନ୍ୟ ଦଳର କର୍ମୀଙ୍କ ମଧ୍ୟରେ ଗଣ୍ଡଗୋଳ ସୃଷ୍ଟି ହୋଇଥିଲା। ଫଳରେ ସେଠାରେ ମୁତୟନ ଥିବା ପୁଲିସ କର୍ମୀମାନେ ହିଂସା ରୋକିବାକୁ ଲାଠି ଚାଳନା କରିଛି। ପୁଲିସ ଗୋଡ଼ାଇ ଗୋଡ଼ାଇ ଗଣ୍ଡଗୋଳକାରୀଙ୍କୁ ଲାଠିରେ ପିଟିଥିବା ଦେଖିବାକୁ ମିଳିଛି। ସୂଚନାଯୋଗ୍ୟ, ୭ମ ପର୍ଯ୍ୟାୟରେ ପଶ୍ଚିମବଙ୍ଗରେ ମୋଟ ୯ଟି ଲୋକସଭା ଆସନରେ ଭୋଟଗ୍ରହଣ ହେଉଛି।
Comments are closed.