bjd  ek lkhya koti banner

କଂଗ୍ରେସକୁ ବାହୁଡ଼ିଲେ ବାବୁଲି ମଣ୍ଡଳ

mission shakti banner

ଭବାନୀପାଟଣା: ସବୁ କଳ୍ପନା ଜଳ୍ପନାର ଅବସାନ ଘଟାଇ ଶେଷରେ ଚିତ୍ତରଞ୍ଜନ ମଣ୍ଡଳ ଓରଫ ବାବୁଲି କଂଗ୍ରେସକୁ ଫେରିଛନ୍ତି। ରବିବାର ନର୍ଲାରେ ଅନୁଷ୍ଠିତ ଏକ ମିଶ୍ରଣ ପର୍ବରେ ବାବୁଲି ନିଜର ବହୁ ସମର୍ଥକଙ୍କ ଗହଣରେ କଂଗ୍ରେସରେ ମିଶିଛନ୍ତି। ଦଳରେ ଅଣଦେଖା କରାଯାଉଥିବା ଅଭିଯୋଗ କରି ସେ କିଛି ଦିନ ତଳେ ବିଜେଡିରୁ ଇସ୍ତଫା ଦେଇଥିଲେ। ୨୦୧୯ ନିର୍ବାଚନରେ ନର୍ଲା ଆସନରେ କଂଗ୍ରେସ ପ୍ରାର୍ଥୀ ଭାବେ ନିର୍ବାଚନ ଲଢ଼ି ଚିତ୍ତରଂଜନ ୩୫ ହଜାରରୁ ଅଧିକ ଭୋଟ ପାଇ ତୃତୀୟ ସ୍ଥାନରେ ଥିଲେ। ହେଲେ ପରେ ଭକ୍ତ ଦାସଙ୍କ ଏକାନ୍ତ ଅନୁଗତ ବାବୁଲି ହଠାତ୍ ବିଜେଡିରେ ଯୋଗଦେଇ ସମସ୍ତଙ୍କୁ ଆଚମ୍ବିତ କରିଥିଲେ। ବିଜେଡିରେ ତାଙ୍କୁ ରାଜ୍ୟ ସମ୍ପାଦକ ପଦବୀ ସହିତ ନର୍ଲା ବିଧାନସଭା ନିର୍ବାଚନ ମଣ୍ଡଳୀ ସଭାପତି ଦାୟିତ୍ୱ ଦିଆଯାଇଥିଲା। କିନ୍ତୁ ଚଳିତ ନିର୍ବାଚନରେ ତାଙ୍କୁ ନର୍ଲା ଆସନ ପାଇଁ ବିଜେଡି ଟିକେଟ ନ ମିଳିବାରୁ ବାବୁଲି ଦଳରୁ ଇସ୍ତଫା ଦେଇଥିଲେ। ଆଜି କଂଗ୍ରେସର ନର୍ଲା ପ୍ରାର୍ଥୀ ଭକ୍ତ ଚରଣ ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ମିଶ୍ରଣ ପର୍ବରେ ଦଳର ଓଡ଼ିଶା ପ୍ରଭାରୀ ମିନାକ୍ଷୀ ନଟରାଜନ, କେନ୍ଦ୍ରୀୟ ସମ୍ପାଦକ ଶାହନୱାଜ ଚୌଧୁରୀ, ଲୋକସଭା ପ୍ରାର୍ଥୀ ଦ୍ରୌପଦୀ ମାଝୀ, ଲାଞ୍ଜିଗଡ ପ୍ରାର୍ଥୀ ବଳଭଦ୍ର ମାଝୀ, ପୂର୍ବତନ ନର୍ଲା ବ୍ଲକ୍ ଅଧ୍ୟକ୍ଷ ପବିତ୍ର କୁମାରଙ୍କ ସମେତ ବହୁ କଂଗ୍ରେସ ନେତା, କର୍ମୀ ଯୋଗଦେଇଥିଲେ।

Comments are closed.