ନୂଆଦିଲ୍ଲୀ- ଚୀନ୍ର ଅର୍ଥନୀତି ଏବେ ନିମ୍ନଗାମୀ । ଅର୍ଥନୈତିକ ସଙ୍କଟ ମଧ୍ୟ ଦେଇ ଏହା ଗତି କରୁଛି । ଦେଶର ବଡ ଉଦ୍ୟୌଗପତିମାନେ ଏବେ ବିଦେଶ ମୁହାଁ । କେତକ ଉଦ୍ୟୋଗପତି ଏବେ ବିଦେଶ ପଳାୟନ କରିଥିବା ଖବର ବି ଆସୁଛି । ଚୀନ୍ର ରାଷ୍ଟ୍ରପତି ଜିନପିଙ୍ଗ୍ ଏହି କଥା ସ୍ୱୀକାର କରିଛନ୍ତି । ଏବେ ଦେଶରେ ଅର୍ଥନୈତିକ ସଙ୍କଟ ଦେଖାଦେଇଥିବା କଥା କହିଛନ୍ତି । କୋଭିଡ୍ ପରେ ଚୀନ୍ର ଅର୍ଥନୀତି ଖସିବାରେ ଲାଗିଥିଲା, ବିଭିନ୍ନ ଦେଶ ଏହାର ଜନିଷ ଉପରେ କଟକଣା ଲଗାଇଥିଲେ ।
ଏବେ ଚୀନ୍ ବିଶ୍ୱର ଦ୍ୱିତୀୟ ବୃହତ ଅର୍ଥନୀତି । ତେବେ ଇଂରାଜୀ ନବ ବର୍ଷର ଭାଷଣରେ ରାଷ୍ଟ୍ରପତି ଜିନପିଙ୍ଗ ଏବେ ଅର୍ଥନୀତି ଖରାପ ସ୍ଥିତି ଦେଇ ଗତି କରୁଥିବା କଥା ପ୍ରଥମ ଥର ପାଇଁ ପ୍ରକାଶ କରିଛନ୍ତି । ଏବେ ଚୀନ୍ରେ ବେକାରୀ ସମସ୍ୟା ବୃଦ୍ଧି ପାଇବାରେ ଲାଗିଛି । ସି’ ଆର୍ଥିକ ସ୍ଥିତି ସୁଧାରିବା ପାଇଁ ଚେଷ୍ଟା କରିବେ ବୋଲି କହିଛନ୍ତି ।
ଚୀନ୍ରେ ବିଶ୍ୱର ସବୁଠାରୁ ଶସ୍ତା ଜିନିଷ ପ୍ରସ୍ତୁତ କରାଯାଏ । ଏବେ ଏହି ସବୁ ଉଦ୍ୟୋଗର ଅବସ୍ଥା ଖରାପ । ଚୀନ୍ର ସରକାରଙ୍କ ଉପରେ ଏ ନେଇ ଚାପ ବୃଦ୍ଧି ପାଉଥିବା କୁହାଯାଉଛି । ଏବେ ଏହା ରାଷ୍ଟ୍ରପତି ଜିନପିଙ୍ଗ ପାଇଁ ବଡ ଆହ୍ୱାନ ।
