ମଝି ଚିଲିକାରେ ଫସିଥିଲେ ୬୦ ଯାତ୍ରୀ, ମତ୍ସ୍ୟଜୀବୀଙ୍କ ସହାୟତାରେ ସୁରକ୍ଷିତ ଭାବେ ହେଲେ ଉଦ୍ଧାର

କୃଷ୍ଣପ୍ରସାଦ: ଆଜି ସାତପଡ଼ାରୁ ଜହ୍ନିକୁଦା ଯିବାବେଳେ ମଝି ଚିଲିକା ମଝିରେ ୬୦ ଯାତ୍ରୀଙ୍କୁ ନେଇ ଯାଉଥିବା ଡଙ୍ଗାଟି ଅଟକି ଯାଇଥିଲା। ଫଳରେ ଏହି ଡଙ୍ଗାରେ ଥିବା ୬୦ଜଣ ଯାତ୍ର ମଝି ଚିଲିକାରେ ଫସି ରହିଥିବା ସୂଚନା ମିଳିଥିଲା। ଅଧ ଘଣ୍ଟା ଧରି ଚିଲିକା ଚିଲିକା ମଝିରେ ଯାନ୍ତ୍ରିକ ତ୍ରୁଟିରୁ ସମସ୍ୟା ଦେଖାଦେବାରୁ ଡଙ୍ଗାଡି ଫସି ଯାଇଥିଲା। ମଝି ଚିଲିକାରେ ଫସିଲେ ୬୦ ଯାତ୍ରୀଙ୍କ ସହ ୩୦ରୁ ଅଧିକ ବାଇକ ଥିବା ଜଣାପଡ଼ିଥିଲା।

ଖବର ପାଇ ସ୍ଥାନୀୟ ମତ୍ସ୍ୟଜୀବୀମାନେ ସେମାନଙ୍କ ଡଙ୍ଗାନେଇ ଘଟଣାସ୍ଥଳରେ ପହଞ୍ଚିଥିଲେ ଏବଂ ସମସ୍ତ ଯାତ୍ରୀଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିଲା। ଅଗ୍ନିଶମ ବାହିନୀ ଓ ପୁଲିସ ପ୍ରଶାସନ ପକ୍ଷରୁ କିଭଳି ଭାବେ ସମସ୍ତ ଯାତ୍ରୀଙ୍କୁ ଉଦ୍ଧାର କରାଯିବା ସେଥିପାଇଁ ପଦକ୍ଷେପ ନିଆଯାଇଥିଲା। ବର୍ତ୍ତମାନ ସମସ୍ତ ଯାତ୍ରୀଙ୍କୁ ଚିଲିକା ମଝିରୁ ସୁରକ୍ଷିତ ଭାବେ ଉଦ୍ଧାର କରାଯିବା ପରେ ସେମାନଙ୍କୁ କୁଳକୁ ଅଣାଯାଇଥିବା ସୂଚନା ମିଳିଛି।

ଏଠାରେ ସୂଚନା ଯୋଗ୍ୟ ଯେ ସମସ୍ତ ଯାତ୍ରୀ ଡଙ୍ଗାରେ ଯାତାୟତ ବେଳେ ଲାଇଭ ଜ୍ୟାକେଟ ପିନ୍ଧିବା ବାଧ୍ୟତାମୂଳକ କରାଯାଇଥିଲେ ବି ଡଙ୍ଗା ଚାଳକ ଏଥିପ୍ରତି ଗୁରୁତ୍ବ ଦେଇନଥିଲେ। ମଝି ଚିଲିକାରେ ଡଙ୍ଗାଟି ଫସି ଯିବା ପରେ ସମସ୍ତଙ୍କୁ ଲାଇଭ ଜ୍ୟାକେଟ ଦେବା କଥା ମନେ ପଡ଼ିଥିଲା। ଅନେକ ସମୟରେ ଯାତ୍ରୀକ ତୃଟି ଯୋଗୁ ଚିଲିକା ମଝିରେ ଡଙ୍ଗା ଫସି ଯାଉଛି ଏବଂ ଅନେକ ଯାତ୍ରୀ ମୃତାହତ ହୋଇଥିବା ସୂଚନା ରହିଛି। ତେଣୁ ଚିଲିକାରେ ଡଙ୍ଗାରେ ଯାତାୟତ ବେଳେ ସମସ୍ତ ଯାତ୍ରୀଙ୍କ ପାଇଁ ଲାଇଭ ଜ୍ୟାକେଟ ପ୍ରଦାନ କରାଯିବା ଜରୁରୀ ବୋଲି ସାଧାରଣରେ ଦାବି କରାଯାଇଛି।