ଡେସ୍କ: ଚିଲିକାରେ ଆଜିଠାରୁ ବାର୍ଷିକ ପକ୍ଷୀ ଗଣନା ଆରମ୍ଭ ହୋଇଛି। ଚଳିତ ମାସ ୧୫ ଯାଏଁ ଏହି ଗଣନା କରାଯିବ। ଏହି ଗଣନାରେ ପକ୍ଷୀ ବିଜ୍ଞାନୀ, ବନ୍ୟଜୀବ କର୍ମକର୍ତ୍ତା ଓ ବିଭିନ୍ନ ସଂଗଠନର ଗବେଷକଙ୍କୁ ମିଶାଇ ପ୍ରାୟ ୧୦୦ରୁ ଅଧିକ ଲୋକ ସାମିଲ ହୋଇଥିବା ଜଣାପଡିଛି। ସକାଳ ୫.୩୦ ମିନିଟରୁ ଆରମ୍ଭ ହୋଇଥିବା ଏହି ପକ୍ଷୀ ଗଣନାରେ ରମ୍ଭା, ବାଲୁଗାଁ, ଟାଙ୍ଗୀ, ସାତପଡା ଓ ଚଲିକା ରେଞ୍ଜ ଲାଗି ୨୧ଟି ଟିମ୍ ଗଠନ କରାଯାଇଛି। ପ୍ରତ୍ୟେକ ଟିମରେ ୫ରୁ ୬ଜଣ ପକ୍ଷୀ ବିଶେଷଜ୍ଞ ରହିଛନ୍ତି। ଜାନୁଆରୀ ୧୫ ଯାଏଁ ପ୍ରତ୍ୟେକ ଦିନ ଅପରାହ୍ନ ୧ଟା ପର୍ଯ୍ୟନ୍ତ ଗଣନା କାର୍ଯ୍ୟ କରାଯିବ। ଏହି ପକ୍ଷୀ ଗଣନା ସମୟରେ ଚିଲିକାରେ ପର୍ଯ୍ୟଟକଙ୍କ ଲାଗି ବୋଟ୍ ଚଳାଚଳ ବନ୍ଦ ରହିବ। ତେବେ ବନ ବିଭାଗ ଆକଳନ ଅନୁଯାୟୀ, ଚଳିତ ଋତୁରେ ଚିଲିକାକୁ ପ୍ରାୟ ୧୧୮ ପ୍ରଜାତିର ୯ ଲକ୍ଷରୁ ଅଧିକ ପକ୍ଷୀ ଆସିଛନ୍ତି।
Popular Categories
Previous article
Next article