ପାଟଣା: ଜିଲ୍ଲା ଶିଶୁ ମଙ୍ଗଳ କମିଟି କେନ୍ଦୁଝର ଓ ଜିଲ୍ଲା ଶିଶୁ ସୁରକ୍ଷା ୟୁନିଟ ସଂଯୋଜନାରେ ଜିଲ୍ଲାର ସମସ୍ତ ବ୍ଲକରେ କୋର୍ଟ କ୍ୟାମ୍ପ୍ କରି ପିତୃମାତୃହୀନ ବା ଜଣେ କେବଳ ମା କିମ୍ବା ବାପା ଥିବା ଶିଶୁ ଯତ୍ନ ଏବଂ ସୁରକ୍ଷା ଆବଶ୍ୟକ କରୁଥିବା ଶିଶୁଙ୍କୁ ଉପସ୍ଥାପିତ କରିବା ଓ ସେମାନଙ୍କୁ ଉପଯୁକ୍ତ ଯତ୍ନ ଏବଂ ସୁରକ୍ଷା ନିମନ୍ତେ କିଶୋର ନ୍ୟାୟ ଆଇନ୍ ୨୦୧୫ ଓ ମିଶନ ବାତ୍ସଲ୍ୟ ଅନୁଯାୟୀ ବ୍ୟବସ୍ଥା କରାଯିବ ବୋଲି ବ୍ଲକ ସ୍ତରୀୟ କାର୍ଯ୍ୟକ୍ରମରେ ପ୍ରତିନିଧି ମାନେ ମତ ରଖିଛନ୍ତି । କୋଭିଡ-୧୯ ମହାମାରୀରେ ଯେଉଁ ଶିଶୁମାନେ ବାପା ମା କିମ୍ବା ବାପା ମା କୌଣସି ଜଣଙ୍କୁ ହରେଇଛନ୍ତି ସେଇ ଶିଶୁଙ୍କର ଯତ୍ନ ଓ ସୁରକ୍ଷା ପାଇଁ ଆଶୀର୍ବାଦ ଯୋଜନାରେ ଆର୍ଥିକ ସହାୟତା ପାଉଥିବା ଶିଶୁ ମାନଙ୍କର ବିକାଶର ଅଗ୍ରଗତି ଓ ଆଗାମୀ ଯୋଜନା କଣ ହେବ ବା ସେମାନେ ଆତ୍ମନିର୍ଭରଶୀଳ ହେବା ପାଇଁ ଦକ୍ଷତା ବିକାଶ ତାଲିମ ଇତ୍ୟାଦି ବିଷୟରେ ଆଲୋଚନା ଓ ଅନୁଧ୍ୟାନ ନିମନ୍ତେ ଜିଲ୍ଲା ପ୍ରଶାସନ ତଥା ଜିଲ୍ଲା ଶିଶୁ ସୁରକ୍ଷା ୟୁନିଟ କେନ୍ଦୁଝରଙ୍କ ସଂଯୋଜନାରେ ଶିଶୁ ମଙ୍ଗଳ କମିଟି ୨ଟି ପ୍ରତିନିଧି ଦଳ ପାଟଣା ଓ ସାହାରପଡା ବ୍ଲକ୍ ଗସ୍ତରେ ଆସିଛନ୍ତି। ପ୍ରଥମ ଦଳରେ ଅଧ୍ୟକ୍ଷ ବିଭୂତି ଭୂଷଣ ଦାଶ, ସଦସ୍ୟା ରାଜଶ୍ରୀ ଉପାଧ୍ୟାୟ, ଜିଲ୍ଲା ଶିଶୁ ସୁରକ୍ଷା ୟୁନିଟର ଝରଣା ଦାଶ ଏବଂ ଦ୍ଵିତୀୟ ଦଳରେ ଶିଶୁ ମଙ୍ଗଳ କମିଟିର କୃଷ୍ଣଚନ୍ଦ୍ର ବାରିକ୍, ସୋନାଲି ଦାସ ଓ ସୌମ୍ୟରଞ୍ଜନ ଦାଶ ଜିଲ୍ଲା ଶିଶୁ ସୁରକ୍ଷା ୟୁନିଟ ସାରା ଜିଲ୍ଲା ଗସ୍ତ କରିବାର କାର୍ଯକ୍ରମ ରହିଛି। ଆଜି ସାହାରପଡା ବ୍ଲକରେ ୮୪ ଶିଶୁ ଉପସ୍ଥାପିତ ହୋଇଛନ୍ତି ଏବଂ ପାଟଣା ବ୍ଲକରେ ୯୬ ଶିଶୁ ଉପସ୍ଥାପିତ ହୋଇଛନ୍ତି। ପାଟଣା ବ୍ଲକର ଗୋଷ୍ଠୀ ଉନୟନ ଅଧିକାରୀ ଶିବଶଙ୍କର ମୁର୍ମୁ ଏବଂ ଡିସିପି ଦେବାଙ୍ଗନା ବାରିକ କାର୍ଯକ୍ରମ ଉଦଘାଟନ କରିଥିଲେ।
Comments are closed.