ନୂଆଦିଲ୍ଲୀ: ଛତିଶଗଡ଼ ନିର୍ବାଚନ ବିଗୁଲ ବାଜିବା ସହ ରାଜ୍ୟ ରାଜନୀତି ଚଳଚଞ୍ଚଳ ହୋଇ ଉଠିଛି। ବିଧାନସଭା ନିର୍ବାଚନକୁ ନେଇ ରାଜନୀତି ସରଗରମ ହେବା କ୍ଷଣି କଂଗ୍ରେସକୁ ଲାଗିଛି ଝଟକା। ରାଜ୍ୟ କଂଗ୍ରେସ ନେତୃତ୍ୱ ଦାୟିତ୍ୱରେ ଥିବା କାର୍ଯ୍ୟକାରୀ ଅଧ୍ୟକ୍ଷ ରାମଦୟାଲ ଉଇକେ ଦଳ ଛାଡ଼ି ବିଜେପିରେ ଯୋଗ ଦେଇଛନ୍ତି। ରାମଦୟାଲ ବିଧାୟକ ଅଛନ୍ତି ଓ କର୍ମୀଙ୍କ ମଧ୍ୟରେ ତାଙ୍କ ଲୋକପ୍ରିୟତା ବେଶ୍ ରହିଛି। ନିର୍ବାଚନ ପୂର୍ବରୁ ରାମଦୟାଲଙ୍କ ଏଭଳି ଦଳ ବଦଳ କଂଗ୍ରେସକୁ ଅଡ଼ୁଆରେ ପକାଇଛି ନିଶ୍ଚୟ। ଗୋଟିଏ ପଟେ ସରକାରରେ ଥିବା ବିଜେପିକୁ ହଟାଇବା ପାଇଁ କଂଗ୍ରେସ ରଣନୀତି ପ୍ରସ୍ତୁତ କରିଥିବାବେଳେ କଂଗ୍ରେସର କାର୍ଯ୍ୟକାରୀ ଅଧ୍ୟକ୍ଷ ଦଳ ଛାଡ଼ି ବିଜେପିରେ ଯୋଗ ଦେବା କଂଗ୍ରେସକୁ ବେଶ୍ କିଛି ପାଦ ପଛକୁ ଠେଲି ଦେଇଛି।
କଂଗ୍ରେସ ନେତା ରାମଦୟାଲ ବିଜେପି ଅଧ୍ୟକ୍ଷ ଅମିତ ଶାହ ଓ ଛତିଶଗଡ଼ ମୁଖ୍ୟମନ୍ତ୍ରୀ ରମଣ ସିଂହଙ୍କ ଉପସ୍ଥିତିରେ ବିଜେପିରେ ଯୋଗ ଦେଇଛନ୍ତି। ୪ଥର ବିଧାୟକ ହୋଇଥିବା ରାମଦୟାଲଙ୍କୁ ବିଜେପିରୁ ନେଇ ଅଜିତ ଯୋଗୀ କଂଗ୍ରେସରେ ମିଶାଇ ଥିଲେ। ୨୦୦୦ବିଧାନସଭା ନିର୍ବାଚନ ସମୟରେ ଅତିତ ଯୋଗୀଙ୍କ ପାଇଁ ରାମଦୟାଲ ମାରବାହୀ ଆସନ ଛଡ଼ି ଦେଇଥିଲେ। ତେଣୁ ପୁଣି ଥରେ ବିଜେପିରେ ସାମିଲ ହେବା ପରେ ରାମଦୟାଲ ଚଳିତ ନିର୍ବାଚନରେ ବିଜେପି ପକ୍ଷରୁ ମାରବାହୀ ଆସନରୁ ନିର୍ବାଚନ ଲଢିବାର ସମ୍ଭାବନା ଦେଖା ଦେଇଛି। ଛତିଶଗଡ଼ରେ ୨ଟି ପର୍ଯ୍ୟାୟରେ ୧୨ ଓ ୨୦ ନଭେମ୍ବରରେ ନିର୍ବାଚନ ହେବାକୁ ଅଛି।
ବିଜେପିରେ ଯୋଗ ଦେଲେ ଛତିଶଗଡ଼ କଂଗ୍ରେସ କାର୍ଯ୍ୟକାରୀ ଅଧ୍ୟକ୍ଷ
Popular Categories
Previous article
Next article