ନୂଆଦିଲ୍ଲୀ: ଛତିଶଗଡ଼ର ପୂର୍ବତନ ମୁଖ୍ୟମନ୍ତ୍ରୀ ତଥା ଭାଜପାର ବରିଷ୍ଠ ନେତା ରମଣ ସିଂହ ଅସୁସ୍ଥ ହୋଇପଡ଼ିଛନ୍ତି। ଛାତିରେ ଯନ୍ତ୍ରଣା ଅନୁଭବ କରିବା ପରେ ତାଙ୍କୁ ଗୁରୁଗ୍ରାମସ୍ଥିତ ମେଦାନ୍ତ ହସ୍ପିଟାଲରେ ଭର୍ତ୍ତି କରାଯାଇଛି।
ଗତ ଦୁଇଦିନ ହେଲା ସେ ଦିଲ୍ଲୀରେ ଥିଲେ। ମଙ୍ଗଳବାର ବିଳମ୍ବିତ ରାତିରେ ହଠାତ ରମଣଙ୍କ ଛାତିରେ ଯନ୍ତ୍ରଣା ହେବା ସହିତ ସେ ଅସୁସ୍ଥ ଅନୁଭବ କରିଥିଲେ। ଏହା ପରେ ପରିବାର ଲୋକେ ତାଙ୍କୁ ତୁରନ୍ତ ହସ୍ପିଟାଲକୁ ନେଇଥିଲେ। ଗ୍ୟାଷ୍ଟ୍ରୋଏଣ୍ଟେରୋଲୋଜି ବିଶେଷଜ୍ଞ ଡା. ରାଜେଶ ପୁରୀ ତାଙ୍କର ଚିକିତ୍ସା କରୁଛନ୍ତି। ରମଣ ହସ୍ପିଟାଲରେ ଭର୍ତ୍ତି ହେବାର ଖବର ମଳିବା ପରେ ପ୍ରଦେଶ ପାର୍ଟି ଅଧ୍ୟକ୍ଷ ବିକ୍ରମ ଉସେଣ୍ଡି ଫୋନ କରି ତାଙ୍କ ସ୍ବାସ୍ଥ୍ୟାବସ୍ଥା ସମ୍ପର୍କରେ ପଚାରି ବୁଝିଥିଲେ। ବିରୋଧୀ ଦଳ ନେତା ଧରମଲାଲ କୌଶିକ ମଧ୍ୟ ଫୋନ କରି କଥା ହୋଇଥିଲେ।
