ନୂଆଦିଲ୍ଲୀ : ଚେତେଶ୍ବର ପୂଜାରା ଚଳିତ ଟେଷ୍ଟ ସିରିଜରେ ଶ୍ରେଷ୍ଠ ଖେଳାଳିଭାବେ ’ପ୍ଲେୟାର ଅଫ୍ ଦି ସିରିଜ’ ବିବେଚିତ ହୋଇଛନ୍ତି। ଚାରିଟି ଟେଷ୍ଟରେ ୩ଟି ଶତକ ଓ ଗୋଟିଏ ଅର୍ଦ୍ଧଶତକ ସହ ପୂଜାରା ୭୪.୪୨ ହାରରେ ମୋଟ ୫୨୧ ରନ ସ୍କୋର କରିଛନ୍ତି। ସିଡ୍ନୀ ଟେଷ୍ଟର ପ୍ରଥମ ଇନିଂସରେ ୧୯୩ ତାଙ୍କର ସର୍ବୋଚ୍ଚ ବ୍ୟକ୍ତିଗତ ସ୍କୋର। ଚଳିତ ସିରିଜରେ ପୂଜାରାଙ୍କ ପ୍ରଦର୍ଶନ ଦଳୀୟ ଅଧିନାୟକ ବିରାଟ କୋହଲିଙ୍କଠାରୁ ଯଥେଷ୍ଟ ଉନ୍ନତ ରହିଛି। କୋହଲି ୪ଟି ଟେଷ୍ଟରୁ ଗୋଟିଏ ଶତକ ଓ ଗୋଟିଏ ଅର୍ଦ୍ଧଶତକ ସହ ମୋଟ ୨୮୬ ରନ କରିଛନ୍ତି। ଅପରପକ୍ଷରେ ଋଷଭ ପନ୍ତ୍ ଚଳିତ ସିରିଜରେ ଦ୍ବିତୀୟ ଭାରତୀୟ ଖେଳାଳିଭାବେ ସର୍ବାଧିକ ୩୫୦ ରନ ସ୍କୋର କରିଛନ୍ତି।
