ଗୋପାଳପୁର : ଚନ୍ଦ୍ରଯାନ-୩ର ସଫଳତା ନେଇ ଡୁରାର ଚକଖଡି ଶିଳ୍ପୀ ତଥା ଇଞ୍ଜିନିୟରିଂ ଛାତ୍ର କେ.ବିଜୟ କୁମାର ରେଡ୍ଡୀଙ୍କ ପକ୍ଷରୁ ଚକଖଡି ରେ ଚନ୍ଦ୍ରଯାନର ବିଭିନ୍ନ କଳାକୃତି କରି ଖୁସି ପାଳନ କରିଛନ୍ତି । ଏଥି ସହ ଏହାର ସଫଳତା ପାଇଁ ମିଶନ ଚନ୍ଦ୍ରଯାନରେ ସାମିଲ ରହିଥିବା ସମସ୍ତ ବୈଜ୍ଞାନିକଙ୍କୁ ମଧ୍ୟ ଶୁଭକାମନା ଜଣାଇଛନ୍ତି । ବିଜୟଙ୍କ ପକ୍ଷରୁ ପ୍ରାୟ ୧ ଘଣ୍ଟା ଧରି ୫ଟି ଚକଖଡିରେ ଇସ୍ରୋ, ଚନ୍ଦ୍ର, ପ୍ରଜ୍ଞାନ, ରୋଭର,ବିକ୍ରମ ଲ୍ୟାଣ୍ଡର ଓ ଚନ୍ଦ୍ରଯାନର ସୁକ୍ଷ୍ମ କାରିଗରୀରେ ଅବିକଳ ପ୍ରତିକୃତି କରିବା ସହ ରଙ୍ଗ ଦେଇଛନ୍ତି। ବିଜୟ ଏହା ପୂର୍ବରୁ ଚକଖଡି ରେ ଅନେକ କଳାକୃତି କରି ପ୍ରଶଂସା ସାଉଁଟି ବା ସହ ଏସିଆ ଏବଂ ଇଣ୍ଡିଆ ବୁକ ଅଫ ରେକର୍ଡରେ ସ୍ଥାନ ପାଇବା ସହ ପ୍ରଶଂସିତ ହୋଇଛନ୍ତି ।
Comments are closed.