ଚୌଦ୍ୱାର:ଆଗ୍ରାହାଟ ପଂଚାୟତ ଜାଜଭୈରବ ନୁଆଗାଁ ପ୍ରାଥମିକ ବିଦ୍ୟାଳୟ ପରିସରରେ ସାଧନ କେନ୍ଦ୍ରସ୍ତରୀୟ ଶିଶୁ ମହେତ୍ସବ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସଂଯୋଜକ ଶିବାନନ୍ଦ ମଲ୍ଲିକଙ୍କ ପରିଚାଳନାରେ ଆୟୋଜିତ କାର୍ଯ୍ୟକ୍ରମରେ ମୀନକେତନ ପଣ୍ଡା, ସାମାଜିକ କର୍ମୀ ସହଦେବ ବରାଳ, ରଞ୍ଜିତା ଷଢ଼ଙ୍ଗୀ, ଏକାଦଣୀ ବେଉରା, ଅକ୍ଷୟ କୁମାର କର, ନଳିନୀ ରଥ, ସନାତନ ଦେହୁରୀ, ପ୍ରଭାତ ପୃଷ୍ଟି ପ୍ରମୁଖ ଅତିଥି ଭାବେ ଯୋଗଦେଇ ବକ୍ତବ୍ୟ ରଖିଥିଲେ। ଏହି ଅବସରରେ ଛାତ୍ରଛାତ୍ରୀଙ୍କ ମଧ୍ୟରେ ତର୍କ, ଭାଷଣ, ଦେଶାମତ୍ମବୋଧ ସଂଗୀତ, ଚିତ୍ରାଙ୍କନ, ସୃଜନଶୀଳ ଲେଖନ, ସୁନ୍ଦର ହସ୍ତାକ୍ଷର, ପ୍ରବନ୍ଧ ଆଦି ପ୍ରତିଯୋଗିତାର ବିଜୟୀ ପ୍ରତିଯୋଗୀଙ୍କୁ ପୁରସ୍କାର ବିତରଣ କରାଯାଇଥିଲା। ପବିତ୍ର କୁମାର ଦେବତା ଧନ୍ୟବାଦ ଅର୍ପଣ କରିଥିଲେ।
ବାଲିଚତୁରୀ ଆଞ୍ଚଳିକ ସାଧନ କେନ୍ଦ୍ର ଆନୁକୁଲ୍ୟରେ ବନ୍ଦାଳ ପ୍ରକଳ୍ପ ବିଦ୍ୟାଳୟରେ ସୁରଭି କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି। ସରପଞ୍ଚ ଦିଲ୍ଲିପ କୁମାର ଭୋଇ କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ। ଏହି ଅବସରରେ ଅନୁଷ୍ଠିତ ତର୍କ, ଭାଷଣ, ଦେଶାମତ୍ମବୋଧ ସଂଗୀତ, ଚିତ୍ରାଙ୍କନ, ସୃଜନଶୀଳ ଲେଖନ ଆଦି ପ୍ରତିଯୋଗିତାରେ ବିଜୟୀ ଛାତ୍ରଛାତ୍ରୀମାନଙ୍କୁ ପୁରସ୍କୃତ କରାଯାଇଥିଲା। ସିଆରସିସି ମାନସ କୁମାର ରାଉତ, ତନୁଜା ପ୍ରଧାନ, ଅଖିଳ କୁମାର ପାଣିଗ୍ରାହୀ, ମଳୟ କୁମାର ଦାସ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ। ବାସୁଦେବ ସାହୁ ଧନ୍ୟବାଦ ଅର୍ପଣ କରିଥିଲେ।
Comments are closed.