ଡେସ୍କ: ଦେଶରେ ତିଆରି ବିଭିନ୍ନ ଦ୍ରବ୍ୟକୁ ପ୍ରୋତ୍ସାହନ ଦେବା ଉଦ୍ଦେଶ୍ୟରେ କେନ୍ଦ୍ର ସରକାର ପୂର୍ବରୁ ଅନେକ ପଦକ୍ଷେପ ଗ୍ରହଣ କରିଥିବା ବେଳେ ଆଜି ଆଉ ଏକ ବଡ ପଦକ୍ଷେପ ଲାଗୁ କରିଛନ୍ତି। ଲାପଟପ୍, ଟାବଲେଟ୍ ଏବଂ ବ୍ୟକ୍ତିଗତ କମ୍ପ୍ୟୁଟର ଆମଦାନୀ ଉପରେ କେନ୍ଦ୍ର ସରକାର ପ୍ରତିବନ୍ଧକ ଜାରି କରିଛନ୍ତି। ତୁରନ୍ତ ଏହି ପ୍ରତିବନ୍ଧକ କାର୍ଯ୍ୟକାରୀ କରିବା ଲାଗି ନିର୍ଦ୍ଦେଶ ଦିଆଯାଇଛି। ଏକ ବିଜ୍ଞପ୍ତିରେ କୁହାଯାଇଛି ଯେ ଏକ ବୈଧ ଲାଇସେନ୍ସ ଥିଲେ ଏହି ଦ୍ରବ୍ୟଗୁଡିକର ସୀମିତ ଆମଦାନୀ କରାଯାଇ ପାରିବ। ତେବେ ପୋଷ୍ଟ କିମ୍ବା କୋରିଅର୍ ମାଧ୍ୟମରେ ଇ-କମର୍ସ ପୋର୍ଟାଲରୁ ଗୋଟିଏ ଲାପଟପ୍, ଟାବଲେଟ୍ ଏବଂ ଅଲ-ଇନ୍-ୱାନ କମ୍ପ୍ୟୁଟର ଆମଦାନୀ ପାଇଁ ଆମଦାନୀ ଲାଇସେନ୍ସ ଆବଶ୍ୟକ ହେବ ନାହିଁ।
ଅନ୍ୟପକ୍ଷରେ ଅନୁସନ୍ଧାନ ଏବଂ ବିକାଶ, ପରୀକ୍ଷଣ, ମରାମତି, ଏବଂ ଫେରସ୍ତ ପାଇଁ ପ୍ରତି ଆମଦାନୀର ୨୦ଟି ସାମଗ୍ରୀକୁ ରିହାତି ପ୍ରଦାନ କରାଯିବ।
