ଦେଶ ଛାଡ଼ିପାରିବେନି ଦିଲ୍ଲୀ ଉପମୁଖ୍ୟମନ୍ତ୍ରୀ; ସିସୋଦିଆଙ୍କ ନାଁରେ ଲୁକଆଉଟ୍ ସର୍କୁଲାର ଜାରି
ନୂଆଦିଲ୍ଲୀ: ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ନାଁରେ ସିବିଆଇ ଲୁକଆଉଟ୍ ସର୍କୁଲାର ଜାରି କରିଛି । ନୂଆ ଅବକାରୀ ନୀତି ଦୁର୍ନୀତି ମାମଲାରେ ସିସୋଦିଆଙ୍କ ନାଁରେ ଲୁକଆଉଟ୍ ସର୍କୁଲାର ଜାରି ହୋଇଥିବା ବେଳେ ମନୀଷ ସିସୋଦିଆଙ୍କ ସମେତ ୧୪ ଜଣଙ୍କ ବିରୋଧରେ ନୋଟିସ୍ ଜାରି ହୋଇଛି । ଏହି ନୋଟିସ୍ ଜାରି ହେବା ଫଳରେ ସିସୋଦିଆ ଓ ଅନ୍ୟ ୧୩ଜଣ ବିଦେଶ ଯାଇପାରିବେ ନାହିଁ । ଏହା ପୂର୍ବରୁ ସିସୋଦିଆଙ୍କ ବନ୍ଧୁଙ୍କୁ ସିବିଆଇ ଜେରା କରିଥିଲା ।
ତାହା ସହିତ ପ୍ରାୟ ୧୫ ଘଣ୍ଟା ଧରି ସିବିଆଇ ତାଙ୍କ ବାସ ଭବନରେ ଚଢ଼ାଉ କରିଥିଲା । ଏହି ଘଟଣାକୁ ନେଇ ସିବିଆଇ ମଧ୍ୟ ପ୍ରତିକ୍ରିୟା ରଖିଛି । ସିବିଆଇ କାହିଛି କି, ଏହି ଦୁର୍ନୀତି ଘଟଣାରେ ତିନିଜଣ ଅଭିଯୁକ୍ତଙ୍କ ବୟାନ ରେକର୍ଡ କରାଯାଇଛି । ଦିଲ୍ଳୀ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ବାସଭବନ ସମେତ ୩୧ଟି ସ୍ଥାନରେ ଚଢ଼ାଉ କରାଯାଇଛି । ଚଢ଼ାଉ ବେଳେ ଜବତ ହୋଇଥିବାର ଡକ୍ୟୁମେଣ୍ଟର ଯାଞ୍ଚ କରାଯାଉଛି । ଏନେଇ ଅଧିକ ତଦନ୍ତ ମଧ୍ୟ ଚାଲିଥିବା କହିଛି ସିବିଆଇ ।
ସୂଚନା ଥାଉ କି ଗତକାଲି ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ ଏନେଇ ଏକ ସାମ୍ବାଦିକ ସମ୍ମିଳନୀ କରିବା ସହ ତାଙ୍କ ବିରୋଧରେ ଆସିଥିବା ଏହି ଅଭିଯୋଗକୁ ସେ ଖଣ୍ଡନ କରିଥିଲେ । ଆଉ ସେ ଆହୁରି କହିଥିଲେ କି, ତାଙ୍କୁ ଏହି ୨ରୁ ୩ ଦିନ ଭିତରେ ଗିରଫ କରାଯାଇପାରେ । ହେଲେ ଆଜି ସିବଆଇ ତାଙ୍କ ବିରୋଧରେ ଲୁକଆଉଟ୍ ସର୍କୁଲାର ଜାରି କରିଛି ।
Comments are closed.