କଟକ: କଟକ-ଭୁବନେଶ୍ୱର ୧୬ ନଂ ଜାତୀୟ ରାଜପଥର ବମ୍ଫକୁଦ ଛକ ନିକଟରେ ଗୁରୁବାର ଭୋର ସମୟରେ ଏକ କାର୍ ବ୍ରିଜ଼ ତଳକୁ ଖସିପଡିଛି। କାରରେ ୪ଜଣ ଯାତ୍ରୀ ଥିବାବେଳେ ୩ଜଣ ଆହତ ହୋଇଥିବା ଜଣାପଡ଼ିଛି। ସମସ୍ତଙ୍କୁ ଆମ୍ବୁଲାନ୍ସ ଯୋଗେ ଭୁବନେଶ୍ୱରର ଏକ ଘରୋଇ ଡାକ୍ତରଖାନାକୁ ପଠାଯାଇଛି। ଏଥିସହ ଜାତୀୟ ରାଜପଥ ଟ୍ରାଫିକ ଥାନା ପୁଲିସ କାର୍କୁ ଜବତ କରି ସଦର ଥାନାକୁ ହସ୍ତାନ୍ତର କରିଛି। ଘଟଣାର ତଦନ୍ତ ଜାରି ରହିଛି।
ସୂଚନା ଅନୁଯାୟୀ, କେନ୍ଦ୍ରାପଡା ଜିଲା ପଟ୍ଟାମୁଣ୍ଡାଇ ଥାନା ଅନ୍ତର୍ଗତ ସିଙ୍ଗିରି ଗ୍ରାମର ରତିକାନ୍ତ ଲେଙ୍କା କାର୍ ଯୋଗେ ଭୁବନେଶ୍ୱରର ଏକ ଘରୋଇ ଡାକ୍ତରଖାନାକୁ ନିଜର ସମ୍ପର୍କୀୟଙ୍କୁ ଭେଟିବା ପାଇଁ ଯାଉଥିଲେ । ହଠାତ ବମ୍ଫକୁଦ ଛକ ନିକଟରେ କାରଟି ଭାରସାମ୍ୟ ହରାଇ ଏକ ବାଇକକୁ ଧକ୍କା ଦେଇ ବ୍ରିଜ ତଳକୁ ଖସି ପଡ଼ିଥିଲା । ଏଥିରେ ଯାତ୍ରୀମାନେ ଆହତ ହୋଇଥିବା ବେଳେ ରତିକାନ୍ତଙ୍କ ହାତଟି ଭାଙ୍ଗି ଯାଇଛି। ଏନେଇ ଖବରପାଇ ଜାତୀୟ ରାଜପଥ ଟ୍ରାଫିକ ଥାନା ପୁଲିସ ଏଏସଆଇ ବରୁଣ ନାୟକ ଓ ଅନ୍ୟ ପୁଲିସ କର୍ମଚାରୀଙ୍କୁ ଧରି ଘଟଣାସ୍ଥଳରେ ପହଞ୍ଚି ସମସ୍ତ ଯାତ୍ରୀଙ୍କୁ ଆମ୍ବୁଲାନ୍ସ ଯୋଗେ ଡାକ୍ତରଖାନାକୁ ପଠାଇଥିଲେ।
Comments are closed.