ଡେସ୍କ: ଦେଶରେ ବାକି ଦୁଇଟି ପର୍ଯ୍ୟାୟ ଲୋକସଭା ନିର୍ବାଚନ ପାଇଁ ପ୍ରଚାର ଜୋରସୋରରେ ଚାଲିଛି। ଭୋଟରଙ୍କୁ ଆକୃଷ୍ଟ କରିବା ପାଇଁ ବିଭିନ୍ନ ରାଜନୈତିକ ଦଳର ଶୀର୍ଷ ନେତାମାନେ ରାଲି କରୁଛନ୍ତି। ଉତ୍ତରପ୍ରଦେଶରେ ଷଷ୍ଠ ଓ ସପ୍ତମ ପର୍ଯ୍ୟାୟ ନିର୍ବାଚନ ପାଇଁ ବିଭିନ୍ନ ରାଜନୈତିକ ଦଳର ଷ୍ଟାର ପ୍ରଚାରକମାନେ ପ୍ରଚାର କରୁଛନ୍ତି।
ପ୍ରଧାନମନ୍ତ୍ରୀ ତଥା ବିଜେପି ନେତା ନରେନ୍ଦ୍ର ମୋଦୀ ବସ୍ତି ଓ ଶ୍ରାବସ୍ତି ନିର୍ବାଚନମଣ୍ଡଳୀରେ ରାଜନୈତିକ ରାଲିକୁ ସମ୍ବୋଧିତ କରିବେ। ବିଜେପି ନେତା ତଥା ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଜୌନପୁର, ବସ୍ତି, ସୁଲତାନପୁର, ସିଦ୍ଧାର୍ଥ ନଗର ଏବଂ ବଳରାମପୁର ଜିଲ୍ଲାରେ ପ୍ରଚାର କରୁଥିବା ବେଳେ ବିଜେପି ନେତା ତଥା ମଧ୍ୟପ୍ରଦେଶର ମୁଖ୍ୟମନ୍ତ୍ରୀ ମୋହନ ଯାଦବ ମହାରାଜଗଞ୍ଜ, କୁଶୀନଗର ଏବଂ ଜୌନପୁରରେ ପ୍ରଚାର କରିଛନ୍ତି।
ବହୁଜନ ସମାଜ ପାର୍ଟି ସୁପ୍ରିମୋ ମାୟାବତୀ ସୁଲତାନପୁରରେ ଏବଂ ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ଆଜମଗଡ଼ ଜିଲ୍ଲାରେ ଏକ ରାଲିକୁ ସମ୍ବୋଧିତ କରିଛନ୍ତି। ଆଉ ମାତ୍ର ୩ ଦିନ ବାକି ଥିବା ବେଳେ ଦିଲ୍ଲୀର ଭୋଟରମାନେ ଜାତୀୟ ରାଜଧାନୀର ହାଇପ୍ରୋଫାଇଲ୍ ଆସନରେ ଜିତିବା ପାଇଁ ପ୍ରତିଦ୍ୱନ୍ଦ୍ୱିତା କରୁଥିବା ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ। ଦିଲ୍ଲୀର ବିଭିନ୍ନ ସ୍ଥାନରେ ଭୋଟରଙ୍କୁ ଆକୃଷ୍ଟ କରିବା ପାଇଁ ହାଇଭୋଲଟେଜ୍ ପ୍ରଚାର ଚାଲିଛି।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେ ଆଜି ଦିଲ୍ଲୀରେ ନିର୍ବାଚନୀ ରାଲିକୁ ସମ୍ବୋଧିତ କରିଛନ୍ତି। ଶ୍ରୀ ମୋଦୀ ଦ୍ୱାରକାରେ ବିଜେପି ପ୍ରାର୍ଥୀ କବଲଜିତ୍ ସେହରାୱତଙ୍କ ସପକ୍ଷରେ ଏକ ସାଧାରଣ ସଭାକୁ ସମ୍ବୋଧିତ କରିବେ ଏବଂ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ଭାଲସ୍ୱା ଡାଏରୀରେ ଏକ ସାଧାରଣ ସଭାରେ ଯୋଗ ଦେବାର କାର୍ଯ୍ୟକ୍ରମ ରହିଛି। ଦଳୀୟ ପ୍ରାର୍ଥୀ ଉଦିତ୍ ରାଜଙ୍କ ସପକ୍ଷରେ ଶ୍ରୀ ଖଡ଼ଗେ ପ୍ରଚାର କରିବେ। ଚଳିତ ମାସ ୨୫ ତାରିଖରେ ଦିଲ୍ଲୀର ୭ଟି ସଂସଦୀୟ କ୍ଷେତ୍ରରେ ମତଦାନ ହେବ।
Comments are closed.