ବାଙ୍କୀ: ଫେବୃୟାରୀ ୨୪ ତାରିଖରେ ବାଙ୍କୀ ନିର୍ବାଚନ ମଣ୍ଡଳୀ ଅନ୍ତର୍ଗତ ବାଙ୍କୀ ବ୍ଲକରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନ। ଏହି ନିର୍ବାଚନରେ ଜିଲ୍ଲାପରିଷଦ ଜୋନ ୩୪, ୩୫ ଓ ୩୬ ନମ୍ବରର ୫୧ହଜାର ୮୧୧ଜଣ ମତଦାତା ୩୩୩ ୱାର୍ଡରୁ ନିଜର ମତଦାନ କରି ନିର୍ଣ୍ଣାୟକ ପ୍ରାର୍ଥୀ ଚୟନ କରିବେ। ଏହି ପରିପ୍ରେକ୍ଷୀରେ ପ୍ରତି ଜୋନ ପରି ରବିବାର ୩୫ନଂ ଜୋନର ବରପୁଟ ପଞ୍ଚାୟତରେ ଦଳୀୟ ପ୍ରାର୍ଥୀମାନଙ୍କୁ ଜିତାଇବା ପାଇଁ ବାଙ୍କୀର ପୂର୍ବତନ ବିଧାୟକ ପ୍ରଭାତ କୁମାର ତ୍ରିପାଠୀ ଯଥାକ୍ରମେ ପଦଯାତ୍ରା, ମୋଟରସାଇକେଲ ଶୋଭାଯାତ୍ରା ଓ ଜିପରେ ପ୍ରଚାର କାର୍ଯ୍ୟ କରିଛନ୍ତି। ଯୋଡହସ୍ତରେ ବିଜୁ ଜନତା ଦଳର ଜିଲ୍ଲାପରିଷଦ ପ୍ରାର୍ଥୀ ସଞ୍ଜୟ ପାତ୍ର, ବିଜୁ ଜନତା ଦଳ ସମର୍ଥିତ ସରପଞ୍ଚ ପ୍ରାର୍ଥୀ ଅଶୋକ ମିଶ୍ର ଏବଂ ସମିତିସଭ୍ୟା ମମତା ଦେହୁରୀଙ୍କୁ ବରପୁଟ ପଞ୍ଚାୟତରୁ ନିର୍ବାଚିତ କରିବା ପାଇଁ ଭୋଟ ଭିକ୍ଷା କରିଛନ୍ତି। ବରପୁଟ ପଞ୍ଚାୟତର ଆଗଧାଡିର ମୁରବି ବିଜୟ ପତିହାରୀ, ବାଙ୍କୀ ବ୍ଲକ ଅଧ୍ୟକ୍ଷା ପୁଷ୍ପଲତା ସାମନ୍ତଙ୍କ ସହିତ ପଞ୍ଚାୟତର ବହୁ ଆଗଧାଡିର କର୍ମୀମାନେ ପ୍ରଚାର କାର୍ଯ୍ୟରେ ସାମିଲ ହୋଇଥିଲେ। ବରପୁଟ ପଞ୍ଚାୟତର ୨୧ଟି ୱାର୍ଡର ୩ ହଜାର ୫୨୩ ପୁରୁଷ ଏବଂ ୩ ହଜାର ୧୨୩ ମହିଳା ଚଳିତ ନିର୍ବାଚନରେ ନିଜର ମତଦାନ କରିବେ ବୋଲି ସୂଚନା ମିଳିଛି।
Popular Categories
Previous article
Next article