ବୁର୍ଲା: ସମ୍ବଲପୁର ବିଶ୍ୱବିଦ୍ୟାଳୟର ବାୟୋଟେକ୍ନୋଲୋଜି ଏବଂ ବାୟୋଇନଫର୍ମାଟିକ୍ସ ବିଭାଗରେ ଡ଼ିଏସଟି-ଫିଷ୍ଟ ସମର୍ଥିତ “ପଶୁସେଲ ସଂସ୍କୃତି କୌଶଳ ଏବଂ ଡ଼୍ରଗ ଅଣୁଗୁଡ଼ିକର ସ୍କ୍ରିନିଂ” ଉପରେ ଏକ ସପ୍ତାହ ପ୍ରଶିକ୍ଷଣ କାର୍ଯ୍ୟକ୍ରମ ଉଦଘାଟିତ ହୋଇଯାଇଛି । ଏହି ପ୍ରଶିକ୍ଷଣ କାର୍ଯ୍ୟକ୍ରମ ଆଗାମୀ ୧୬ ତାରିଖ ପର୍ଯ୍ୟନ୍ତ ଚାଲିବାକୁ ଥିବା ବେଳେ, ଏଥିରେ ଦେଶର ୩୦ ଜଣ ଅଧ୍ୟାପକ, ପୋଷ୍ଟଡ଼କ୍ଟରାଲ ଅନୁସଂନ୍ଧାନକାରୀ ଏବଂ ଡକ୍ଟରାଲ ଛାତ୍ର ଅଂଶଗ୍ରହଣ କରିବେ ।
କାର୍ଯ୍ୟକ୍ରମକୁ ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା ବିଭାଗ(ଡିଏସଟି) ସ୍ତୁତି(ବୈଜ୍ଞାନିକ ଏବଂ ବୈଷୟିକ ଭିତ୍ତିଭୂମି ବ୍ୟବହାର କରୁଥିବା ସିନର୍ଜିଷ୍ଟିକ ପ୍ରଶିକ୍ଷଣ କାର୍ଯ୍ୟକ୍ରମ) ଅନୁଦାନ ପ୍ରାପ୍ତ । ଏହି କାର୍ଯ୍ୟକ୍ରମରେ ଆଇଆଇଟି ଗାନ୍ଧୀନଗର ଏକ ପ୍ରୋଜେକ୍ଟ ମ୍ୟାନେଜମେଣ୍ଟ ୟୁନିଟ(ପିଏମୟୁ) ଭାବରେ ପରିଚିତ । ଆଜିର ଉଦଘାଟନୀ ସମାରୋହରେ ମୁଖ୍ୟଅତିଥି ଭାବେ ସମ୍ବଲପୁର ବିଶ୍ୱବିଦ୍ୟାଳୟର ଭାରପ୍ରାପ୍ତ କୁଳପତି ପ୍ରଫେସର ସଂଯୁକ୍ତା ଦାସ ଯୋଗଦାନ କରି ଏହି କାର୍ଯ୍ୟକ୍ରମକୁ ଉଦଘାଟିତ କରିଥିଲେ । ସମ୍ମାନିତ ଅତିଥି ଭାବରେ ସମ୍ବଲପୁର ବିଶ୍ୱବିଦ୍ୟାଳୟର ଭାରପ୍ରାପ୍ତ କୁଳସଚିବ ଅଶୋକ କୁମାର ବେହେରା ଏବଂ ସଂଯୋଜକ ତଥା ବାୟୋଟେକ୍ନୋଲୋଜି ଏବଂ ବାୟୋଇନଫର୍ମାଟିକ୍ସ ବିଭାଗୀୟ ମୁଖ୍ୟ ପ୍ରଫେସର ପ୍ରଦୀପ କୁମାର ନାୟକ କର୍ମଶାଳାର ଉଦ୍ୟେଶ ଜ୍ଞାପନ କରିଥିଲେ ।
କର୍ମଶାଳାର ପ୍ରଶିକ୍ଷକ ଭାବରେ ବିଭାଗର ଅଧ୍ୟାପକ ଡ. ବୀରେନ୍ଦ୍ର ବେହେରା ଉପସ୍ଥିତ ରହି କାର୍ଯ୍ୟକ୍ରମର ମହତ୍ୱ ଉପରେ ଆଲୋକପାତ କରିଥିଲେ । ଆଇକ୍ୟୁଏସି ନିର୍ଦ୍ଦେଶକ ପ୍ରଫେସର ପି କେ ବେହେରା, ଚେୟାର ପ୍ରଫେସର ସଞ୍ଜତ କୁମାର ସାହୁ, ବିଭାଗୀୟ ଅଧ୍ୟାପକ ଡ ଅମୀୟ କୁମାର ପଟେଲ, ଡ ଭାବାନୀ ପ୍ରସାଦ ବାଗ, ଡ ଚୁମକିଜିନି ଛତ୍ରିଆ ଏବଂ ଡ ଇଶ୍ୱର ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ସଂଯୋଜନା କରିଥିଲେ । ଅଂଶଗ୍ରହଣକାରୀଙ୍କ ମଧ୍ୟରେ ସଚେତନତା ସୃଷ୍ଟି କରିବା ପାଇଁ ନମୁନାଗୁଡ଼ିକର ଚରିତ୍ର ଏବଂ ଯନ୍ତ୍ରର ଉପକାରିତା ପ୍ରଦର୍ଶିତ ହେବ ।
Comments are closed.